SRH Vs GT Live: હૈદરાબાદ અને ગુજરાત વચ્ચે ટક્કર, કોણ મારશે બાજી?

IPLની ચાલુ સીઝનમાં, રવિવારે સનરાઈઝર્સ હૈદરાબાદ અને ગુજરાત ટાઈટન્સ વચ્ચે મેચ રમાશે. આક્રમક બેટિંગને કારણે, વિરોધી ટીમ હૈદરાબાદ સામે ખૂબ જ સાવધાનીપૂર્વક રમે છે અને ખાસ કરીને આ ટીમ સામે બોલિંગ યુનિટને મજબૂત રાખે છે. પેટ કમિન્સની આગેવાની હેઠળની સનરાઈઝર્સ હૈદરાબાદ ટીમે શાનદાર શરૂઆત કરી હતી પરંતુ ટીમને છેલ્લી ત્રણ મેચમાં હારનો સામનો કરવો પડ્યો હતો, જેના કારણે પ્લેઓફમાં પહોંચવાનો તેમનો માર્ગ મુશ્કેલ બની શકે છે. સનરાઈઝર્સ હૈદરાબાદની ટીમ એક જીત સાથે પોઈન્ટ ટેબલમાં છેલ્લા સ્થાને છે. શુભમન ગિલની આગેવાની હેઠળની ગુજરાત ટાઈટન્સે પંજાબ કિંગ્સ સામેની પહેલી મેચ હાર્યા બાદ જોરદાર વાપસી કરી છે અને મુંબઈ ઈન્ડિયન્સ, રોયલ ચેલેન્જર્સ બેંગ્લુરૂ જેવી ટીમો સામે જીત નોંધાવી છે.