લખનૌ સુપર જાયન્ટ્સ સામેની હાર બાદ કોલકાતા નાઈટ રાઈડર્સે એક મોટી ગેમ રમી છે. KKR કેમ્પમાં એક યુવા ઓલરાઉન્ડરનો પ્રવેશ થયો છે. ઈન્ડિયન સ્ટ્રીટ પ્રીમિયર લીગના સૌથી મોંઘા ખેલાડી અભિષેક દાલહોરને નેટ બોલર તરીકે ટીમમાં સામેલ કરવામાં આવ્યો છે.
કોલકાતા માટે અત્યાર સુધી મિક્સ સિઝન રહી છે. ટીમે ઈન્ડિયન પ્રીમિયર લીગની 18મી સીઝનમાં રમાયેલી 5 મેચમાંથી 2 મેચ જીતી છે, જ્યારે ટીમને 3 મેચમાં હારનો સામનો કરવો પડ્યો છે.
KKR કેમ્પમાં આવ્યો એક નવો ખેલાડી
લખનૌ સુપર જાયન્ટ્સ સામે ઘરઆંગણે હાર બાદ કોલકાતા નાઈટ રાઈડર્સે તેમની ટીમમાં એક યુવાન ઓલરાઉન્ડરનો સમાવેશ કર્યો છે. ઈન્ડિયન સ્ટ્રીટ પ્રીમિયર લીગમાં સૌથી મોંઘા વેચાયેલા ખેલાડી અભિષેક દાલહોરને નેટ બોલર તરીકે ટીમમાં સામેલ આવ્યો છે. અભિષેક ISPL માં માઝી મુંબઈ તરફથી રમતો જોવા મળ્યો હતો અને તેની ટીમ આ વખતે ખિતાબ જીતવામાં સફળ રહી હતી. અભિષેકે ટુર્નામેન્ટમાં પોતાની ગતિ અને મેચ જીતવાની ક્ષમતાથી બધાનું ધ્યાન ખેંચ્યું.
બે સીઝનમાં મુંબઈ માટે રમતા અભિષેકે 19 મેચોમાં કુલ 324 રન બનાવ્યા, જ્યારે બોલિંગમાં પણ તેને 33 વિકેટ લીધી. પહેલી સિઝનમાં અભિષેક પ્લેયર ઓફ ધ ટુર્નામેન્ટ હતો. જ્યારે, ટુર્નામેન્ટની બીજી સીઝનમાં, અભિષેકે બેસ્ટ બોલરનો એવોર્ડ જીત્યો.
હારી ગયું કોલકાતા નાઈટ રાઈડર્સ
IPL 2025માં કોલકાતા નાઈટ રાઈડર્સનું પ્રદર્શન અત્યાર સુધી મિક્સ રહ્યું છે. અજિંક્ય રહાણેની કેપ્ટનશીપ હેઠળ, KKR એ આ સિઝનમાં કુલ 5 મેચ રમી છે, જેમાંથી ટીમે 2 માં જીતનો સ્વાદ ચાખ્યો છે. ટીમને 3 મેચમાં હારનો સામનો કરવો પડ્યો હતો. છેલ્લી મેચમાં લખનૌએ KKR ને તેના હોમ ગ્રાઉન્ડ પર 4 રનથી હરાવ્યું હતું. પ્રથમ બેટિંગ કરતા લખનૌએ 3 વિકેટ ગુમાવ્યા બાદ સ્કોરબોર્ડ પર 238 રન બનાવ્યા હતા. જવાબમાં, ડિફેન્ડિંગ ચેમ્પિયન 7 વિકેટ ગુમાવીને માત્ર 234 રન જ બનાવી શક્યું.
