કાશ્મીરના પહેલગામમાં થયેલા આતંકવાદી હુમલા બાદ સમગ્ર દેશમાં ગુસ્સાનો માહોલ છે. રમતગમતની દુનિયા પણ આનાથી અસ્પૃશ્ય નથી. મહાન ક્રિકેટર સચિન તેંડુલકરથી લઈને બે વખતના ઓલિમ્પિક મેડલ વિજેતા નીરજ ચોપરા સુધી, બધાએ તેની સખત નિંદા કરી છે.
આ હુમલાના તાર પાકિસ્તાન સાથે જોડાયેલા હોવાનું જાણવા મળી રહ્યું છે. આ કારણે, ભારતીય ક્રિકેટ કંટ્રોલ બોર્ડ (BCCI) ને પાકિસ્તાન સામે કોઈ પણ મેચ ન રમવા માટે કહેવામાં આવી રહ્યું છે. ફેન્સ સોશિયલ મીડિયા પર આ વિશે સતત લખી રહ્યા છે. બીસીસીઆઈના સચિવ રાજીવ શુક્લાએ આ ઘટના પર દુઃખ વ્યક્ત કર્યું છે અને ભવિષ્યમાં ભારત-પાકિસ્તાન ક્રિકેટ મેચો અંગે પણ મોટું નિવેદન આપ્યું છે.
રાજીવ શુક્લાએ આપ્યું નિવેદન
બીસીસીઆઈના ઉપાધ્યક્ષ રાજીવ શુક્લાએ આ ઘટના પર દુઃખ વ્યક્ત કર્યું છે. તેમને કહ્યું કે અમે પીડિતો સાથે ઉભા છીએ અને તેની નિંદા કરીએ છીએ. જ્યારે રાજીવ શુક્લાને પૂછવામાં આવ્યું કે શું ભારતીય ટીમ હવે પાકિસ્તાન સામે નહીં રમે, તો તેમને કહ્યું કે આ નિર્ણય સરકાર લેશે. સરકાર બીસીસીઆઈને જે કહેશે તે થશે. બોર્ડના ઉપપ્રમુખે વધુમાં કહ્યું કે અમે ફક્ત સરકારના આદેશ પર દ્વિપક્ષીય સિરીઝ રમી રહ્યા નથી અને ભવિષ્યમાં પણ આમ કરતા રહીશું. જ્યાં સુધી ICC ઈવેન્ટ્સની વાત છે, અમે ઈન્ટરનેશનલ ક્રિકેટ કાઉન્સિલના કારણે તેમાં રમીએ છીએ.
2008 થી પાકિસ્તાન જઈ રહી નથી ભારતીય ટીમ
તાજેતરમાં ચેમ્પિયન્સ ટ્રોફી દરમિયાન દુબઈમાં ભારત અને પાકિસ્તાનની ટીમો એકબીજા સામે ટકરાઈ હતી. ટીમ ઈન્ડિયાએ તે મેચ મોટા અંતરથી જીતી હતી. 2008માં મુંબઈ હુમલાને કારણે ભારતીય ટીમ પાકિસ્તાન જઈ રહી નથી. BCCIએ પણ પહેલગામ આતંકવાદી હુમલા પર દુઃખ વ્યક્ત કર્યું છે. તેમને સોશિયલ મીડિયા પરની પોતાની પોસ્ટમાં લખ્યું છે કે “પહલગામ આતંકવાદી હુમલાના પીડિતો સાથે એકતામાં ઉભા છીએ. આ ભયાનક હુમલામાં પોતાના પ્રિયજનો ગુમાવનારા પરિવારો માટે પ્રાર્થના.”
સચિન દેવજીત સાયકિયાનું નિવેદન
બીસીસીઆઈના સચિવ દેવજીત સૈકિયાએ પણ નિવેદન જાહેર કર્યું છે. તેમણે કહ્યું, “પહેલગામમાં ગઈકાલે થયેલા ભયાનક આતંકવાદી હુમલામાં નિર્દોષ લોકોના દુઃખદ મૃત્યુથી ક્રિકેટ સમુદાય ખૂબ જ આઘાત અને દુઃખી છે. BCCI તરફથી, હું આ ઘૃણાસ્પદ અને કાયર કૃત્યની સખત નિંદા કરું છું અને શોકગ્રસ્ત પરિવારો પ્રત્યે મારી હૃદયપૂર્વકની સંવેદના વ્યક્ત કરું છું. હું મૃતકોના આત્માઓ માટે પ્રાર્થના કરું છું. આ દુર્ઘટનાની ઘડીમાં અમે તેમની સાથે ઉભા છીએ, તેમના દર્દ અને દુઃખને શેર કરીએ છીએ.”શું હવે ભારત-પાકિસ્તાન મેચ નહીં થાય? પહેલગામ આતંકવાદી હુમલા બાદ BCCI ગુસ્સે છે.
