ભારતના સ્ટાર બેટ્સમેન વિરાટ કોહલીએ સોમવારે ટેસ્ટ ક્રિકેટમાંથી નિવૃત્તિની જાહેરાત કરી. આનાથી રમતના લાંબા ફોર્મેટમાં તેના ભવિષ્ય અંગેની અટકળોનો અંત આવ્યો. હવે તે ફક્ત ODI મેચ રમશે.
વિરાટના ટેસ્ટ મેચમાંથી નિવૃત્તિ બાદ, તેના ફેન્સમાં નિરાશા જોવા મળી રહી છે. પરંતુ તે ODI મેચ રમશે, ફેન્સ આનાથી ખુશ છે. વિરાટને ફક્ત રમતગમતમાં જ રસ નથી, પરંતુ તે ધાર્મિક પ્રવૃત્તિઓમાં પણ ખૂબ ઉત્સાહથી ભાગ લે છે.
ભગવાન શિવનો મોટો ભક્ત છે વિરાટ કોહલી
વિરાટ કોહલી ભગવાન શિવનો મોટો ભક્ત છે. આ જ કારણ છે કે તેને પોતાના શરીર પર ભોલેનાથના ઘણા ટેટૂ પણ કરાવ્યા છે. વિરાટ કોહલીએ પોતાના ડાબા હાથ પર ભગવાન શિવનું ટેટૂ બનાવડાવ્યું છે. આ ટેટૂમાં ભગવાન શિવને કૈલાશ પર્વત પર ધ્યાન કરતા દર્શાવવામાં આવ્યા છે. તેની પાસે મોટી આંખનો ટેટૂ પણ છે, જે ભગવાનની શક્તિનું પ્રતિનિધિત્વ કરે છે.
માતાપિતાના નામનું પણ છે ટેટૂ
કોહલીના શરીર પર બીજા ઘણા ટેટૂ પણ છે, જેમ કે તેના માતાપિતાના નામ, એક મોનાસ્ટ્રી અને તેની રાશિ વૃશ્ચિક. કેટલાક ટેટૂઝ તેમની ક્રિકેટ કારકિર્દી સાથે સંબંધિત છે, જેમ કે 175 અને 269, જે તેમની કારકિર્દીના બે મહત્વપૂર્ણ ક્ષણોનું પ્રતિનિધિત્વ કરે છે. વિરાટના શરીર પર ‘જાપાનીઝ સમુરાઈ’ અને ‘મોનાસ્ટ્રી’ના ટેટૂ પણ છે. કેટલાક લોકો માને છે કે આ ટેટૂ વિરાટ કોહલીની ભગવાન શિવ પ્રત્યેની ભક્તિને પ્રતિબિંબિત કરે છે. વિરાટ કોહલી હંમેશા પોતાની સાથે હનુમાન ચાલીસા રાખે છે.
આ સિવાય થોડા સમય પહેલા એક મીડિયા ચેનલને આપેલા ઈન્ટરવ્યુમાં, વિરાટ કોહલીએ કહ્યું હતું કે ‘તે ભગવાનમાં માને છે અને તેને આધ્યાત્મિકતામાં પણ રસ છે, પરંતુ આ રસ ત્યારે વધુ વધી ગયો જ્યારે તેની પત્ની અનુષ્કા શર્મા તેના જીવનમાં આવી, તેને ભગવાનમાં અતૂટ શ્રદ્ધા છે.’
નીમ કરોલી બાબાનો પણ ભક્ત છે વિરાટ કોહલી
વિરાટ કોહલીને નીમ કરોલી બાબા અને પ્રેમાનંદ મહારાજ પ્રત્યે પણ ખૂબ માન છે. વિરાટ કોહલી ઘણીવાર તેની પત્ની અનુષ્કા શર્મા સાથે તેના આશ્રમોની મુલાકાત લે છે. વિરાટ થોડા સમય પહેલા ભગવાન શિવના દર્શન કરવા માટે ઉજ્જૈન મહાકાલ મંદિરમાં પણ ગયો હતો.
