આ દિવસોમાં, વિશ્વભરના ચાહકોની નજર ભારતીય ક્રિકેટ પર ટકેલી છે. આના બે કારણો છે. પહેલું IPL 2025 અને બીજું ભારતીય ટેસ્ટ ટીમની પસંદગી. IPL પૂરજોશમાં ચાલી રહી છે, જેમાં 6 ટીમોની સફર સમાપ્ત થઈ ગઈ છે અને હવે 4 ટીમો વચ્ચે ટાઇટલ જંગ ચાલી રહી છે.
આ IPL ટાઇટલ જંગ વચ્ચે ભારતીય ટેસ્ટ ટીમની જાહેરાત થવાની છે. આ વખતે પસંદગીકારોએ ફક્ત ટીમ જ પસંદ કરવાની નથી, પરંતુ નવા કેપ્ટનની પણ પસંદગી કરવાની છે. રોહિત શર્મા અને વિરાટ કોહલીના ટેસ્ટ ક્રિકેટમાંથી નિવૃત્તિ પછી આ પહેલી વાર છે જ્યારે ભારતીય ટીમની પસંદગી કરવામાં આવી રહી છે.
ટીમ ઈન્ડિયાને આજે નવો કેપ્ટન મળી શકે છે
ભારતીય ટેસ્ટ ટીમનો ગ્લેન્ડ પ્રવાસનો ઇંતેજાર આજે પૂરો થઈ શકે છે. રોહિત શર્મા અને વિરાટ કોહલીના ટેસ્ટ ક્રિકેટમાંથી નિવૃત્તિ પછી આ પહેલી વાર છે જ્યારે ભારતીય ટીમની પસંદગી કરવામાં આવશે. રોહિતની જગ્યાએ કેપ્ટન બનવાની રેસમાં ઓછામાં ઓછા 4 ખેલાડીઓ છે. જેમાં જસપ્રીત બુમરાહ, શુભમન ગિલ, કેએલ રાહુલ અને રિષભ પંતનો સમાવેશ થાય છે. કેટલાક ક્રિકેટ ચાહકો અજિંક્ય રહાણેને પણ આ રેસમાં સામેલ કરવાનું વિચારી રહ્યા છે.
