ઇક્વિટી મ્યુચ્યુઅલ ફ્ંડઃ મે મહિનામાં સમગ્ર મ્યુચ્યુઅલ ફ્ંડ ઉદ્યોગમાં કુલ રૂ.29,000 કરોડથી વધુનું રોકાણ થયું હતું. આ એપ્રિલમાં રૂ.2.77 લાખ કરોડ કરતા ઘણું ઓછું છે. મે 2025 દરમિયાન ઇક્વિટી મ્યુચ્યુઅલ ફ્ંડમાં રોકાણ ઘટી ગયું છે. તે ગયા મહિનામાં 21 .66 ટકા ઘટીને રૂ.19,013 કરોડ થયું છે. જ્યારે એપ્રિલ 2025માં તે રૂ.24,269 કરોડ હતું. આ સતત પાંચમો મહિનો છે જ્યારે ઇક્વિટી ફ્ંડ રોકાણમાં ઘટાડો થયો છે. જોકે, આ સતત 51મો મહિનો છે જ્યારે આ શ્રેણીમાં ચોખ્ખું રોકાણ યથાવત્ છે. મ્યુચ્યુઅલ ફ્ંડ ઉદ્યોગના સંગઠન AMFI દ્વારા મંગળવારે જાહેર કરાયેલા ડેટા અનુસાર, મે મહિનામાં ડેટ ફ્ંડ્સમાંથી રૂ.15,908કરોડ પાછા ખેંચવામાં આવ્યા હતા. જ્યારે એપ્રિલમાં, તેમાં રૂ.2.2 લાખ કરોડનું જબરદસ્ત રોકાણ મળ્યું હતું. સમગ્ર મ્યુચ્યુઅલ ફ્ંડ ઉદ્યોગની વાત કરીએ તો, મે મહિનામાં કુલ રૂ. 29,000 કરોડથી વધુનું રોકાણ થયું હતું. આ એપ્રિલમાં રૂ. 2.77લાખ કરોડ કરતાં ઘણું ઓછું છે. જોકે, આ રોકાણ સાથે, ઉદ્યોગની કુલ એસેટ અંડર મેનેજમેન્ટ (AUM) વધીને રૂ. 72.2 લાખ કરોડ થઈ ગઈ. એપ્રિલના અંતમાં તે રૂ. 70 લાખ કરોડ હતું.
ફ્લેક્સી કેપ ફ્ંડ્સમાં સૌથી વધુ રોકાણ
ઇક્વિટી ફ્ંડ શ્રોણીઓમાં, ફ્લેક્સી કેપ ફ્ંડ્સમાં સૌથી વધુ રૂ. 3,841 કરોડનું રોકાણ આકર્ષાયું. બીજી તરફ્, ઇક્વિટી લિંક્ડ સેવિંગ્સ સ્કીમ (ELSS) માં રૂ. 678 કરોડ ઉપાડવામાં આવ્યા. આ ઉપરાંત, વેલ્યૂ ફ્ંડ્સ અને ડિવિડન્ડ યિલ્ડ ફ્ંડ્સમાં પણ અનુક્રમે રૂ. 92કરોડ અને રૂ. 21 કરોડ ઉપાડ નોંધાયા. લાર્જ-કેપ ફ્ંડ્સમાં રૂ. 1,250 કરોડનું રોકાણ થયું. મે મહિનામાં લાર્જ-કેપ ફ્ંડ્સમાં રૂ.1,250 કરોડનું રોકાણ થયું, જે એપ્રિલમાં રૂ. 2,671 કરોડ હતું. મિડ-કેપ ફ્ંડ્સમાં રોકાણ પણ ઘટીને રૂ. 2,808કરોડ થયું. જ્યારે એપ્રિલમાં તે રૂ. 3,313 કરોડ હતું. તેવી જ રીતે, સ્મોલ-કેપ ફ્ંડ્સમાં મે મહિનામાં રૂ. 3,214કરોડનું રોકાણ આકર્ષાયું, જે એપ્રિલમાં રૂ. 3,999 કરોડ હતું. એક નિષ્ણાતે જણાવ્યું હતું કે, ‘ભારતીય રોકાણકારો હવે વધુ પરિપક્વ બની રહ્યા છે અને વિચારપૂર્વક મૂડી ફાળવી રહ્યા છે. ફ્લેક્સી કેપ અને મલ્ટિકેપ ફ્ંડ્સમાં રોકાણ ચાલુ છે. ફ્લેક્સી કેપ ફ્ંડ્સ તરફ્ રોકાણકારોનો ઝુકાવ ફ્ંડ મેનેજરોને બજારમાં જ્યાં પણ તક હોય ત્યાં રોકાણ કરવાની સ્વતંત્રતા આપે છે. સેક્ટરલ ફ્ંડ્સમાં હજુ પણ સકારાત્મક વલણ જોવા મળી રહ્યું છે. જો રોકાણકારો તેઓ જે ફ્ંડમાં રોકાણ કરી રહ્યા છે તેના P/E રેશિયો પર ધ્યાન આપે, તો તે વધુ સમજદાર મૂડી ફાળવણીમાં મદદ કરશે અને ક્ષેત્રિય અથવા થીમેટિક બબલ બનવાની શક્યતા પણ ઘટાડશે. ડેટ ફ્ંડ્સમાંથી આઉટફ્લો સૂચવે છે કે રોકાણકારો સ્પષ્ટ છે કે વ્યાજ દરમાં ઘટાડાના કારણે, ઇક્વિટીમાં ડેટ કરતાં વધુ સારું વળતર આપવાની ક્ષમતા છે.
