રશિયાના કુરીલ દ્વીપ સમૂહમાં 6.5ની તીવ્રતાનો ભૂકંપ અનુભવાયો છે. યુરોપના ભુમધ્યસાગરીય ભૂકંપ વિજ્ઞાન કેન્દ્રએ જણાવ્યું હતું કે શુક્રવારે આવેલા ભૂકંપનું કેન્દ્રબિંદુ જમીનથી 12 કિલોમીટર નીચે હતું. કુરીલ દ્વીપ રશિયાના સુદુર પૂર્વીય ભાગમાં આવેલા સખાલિન ઓબલ્સાટનો એક દ્વીપ સમુહ છે. આ દ્વીપસમુહ રશિયાના દક્ષિણ કિનારાથી જાપાનના ઉત્તર પૂર્વીય ભાગ 1200 કિલોમીટર સુધી ફેલાયેલો છે. આ 56 દ્વીપ સમૂહ છે. જે 15,600 કિલોમીટરમાં ફેલાયેલો છે.
આ રેન્જ પ્રશાંત મહાસાગરના ચાર ભૂર્ગભીય પટ્ટીનો ભાગ છે. જેમાં ઓછામાં ઓછા 100 જવાળામુખી છે. જેમાંથી 35 હજી પણ સક્રીય છે. ઘણા ગરમ ઝરણાઓ છે. ભૂંકંપ અને આગની લહેરો સામાન્ય છે. વર્ષ 1737માં જવાળામુખીની લહેર 210 ફૂટની ઉંચાઈ સુધી પહોંચી ગઈ હતી, જે રેકોર્ડમાં સૌથી ઉંચી છે.
ગઈ 26મી જાન્યુઆરીના દિવસે પણ રશિયાના કામચટકા ક્ષેત્રના પૂર્વ તટ પાસે 5.5ની તીવ્રતાનો ભૂકંપ આવ્યો હતો. જેની યુરોપિય ભૂમધ્યસાગરીય ભૂકંપ વિજ્ઞાન કેન્દ્ર દ્વારા પૃષ્ટિ કરવામાં આવી હતી. ભૂકંપનું કેન્દ્ર જમીનથી 51 કિલોમીટર નીચે હતું. આ પહેલા ગયા વર્ષે ડિસેમ્બરમાં કુરીલ દ્વીપ સમૂહમાં 6.6ની તીવ્રતાનો ભૂકંપનો આંચકો અનુભવાયો હતો.
