કોમ્પ્યુટર સાયન્સ ડિપાર્ટમેન્ટના ડો.રોનક ગોડાએ ડોકટરેટ પદવી મેળવી
ડિઝાઇન એન્ડ ડેવલોપમેન્ટ મોડલ પર સંશોધન કરી Ph.D પૂર્ણ કર્યુ
અગ્ર ગુજરાત, રાજકોટ
શિક્ષણ અને સંશોધન ક્ષેત્રે એક મહત્વપૂર્ણ સિદ્ધિ હાંસલ કરતાં ડૉ. રોનક ગોડાએ સૌરાષ્ટ્ર યુનિવર્સિટી, રાજકોટના કોમ્પ્યુટર સાયન્સ વિભાગમાંથી પીએચ.ડી. (Ph.D.) ની ડિગ્રી સફળતાપૂર્વક પ્રાપ્ત કરી છે. *”A Design and Development of a Model to Recognize the Sign Gesture for Deaf and Dumb People”* વિષય પર સંશોધન કાર્ય પૂર્ણ કર્યું છે. આ સંશોધનનો મુખ્ય હેતુ શ્રવણ અને વાણીબાધિત વ્યક્તિઓ માટે સાઈન જેસ્ચરને ઓળખી શકે તેવી આધુનિક અને અસરકારક પ્રણાલી વિકસાવવાનો હતો, જે તેમની અને સામાન્ય લોકો વચ્ચેના સંવાદને વધુ સરળ, ઝડપી અને સુલભ બનાવી શકે.આ સંશોધન કાર્ય તેમણે માર્ગદર્શક ડૉ.સી.કે.કુંભારાણાના માર્ગદર્શન હેઠળ પૂર્ણ કર્યું હતું. આ પ્રસંગે ડૉ.કુંભારાણાના બદલ આભાર વ્યક્ત કર્યો હતો. ડૉ. રોનક ગોડાએ પોતાની આ સિદ્ધિ માટે પોતાના માતા-પિતા, જીવનસાથી, બે પુત્રીઓ, ગોડા પરિવારના તમામ સભ્યો, હરિવંદના કોલેજના મેનેજમેન્ટ, આચાર્ય, સહકર્મચારીઓ તથા સમગ્ર કોલેજ પરિવાર, મિત્રો અને શુભેચ્છકોનો વિશેષ આભાર વ્યક્ત કર્યો હતો. તેમના જણાવ્યા અનુસાર પરિવાર, સહકર્મચારીઓ અને સ્વજનોના સતત પ્રોત્સાહન, આશીર્વાદ અને સહયોગથી જ આ મહત્વપૂર્ણ શૈક્ષણિક સિદ્ધિ પ્રાપ્ત થઈ શકી છે. ડૉ. રોનક ગોડાની આ સિદ્ધિ બદલ શિક્ષણજગત, હરિવંદના કોલેજ પરિવાર, મિત્રો, સ્વજનો તથા શુભેચ્છકો દ્વારા તેમને ડાર્દિક અભિનંદનો પાઠવવામાં આવી રહ્યા છે.
