- ઈઝરાયલ અને હમાસ વચ્ચે છેલ્લા સાત મહિના કરતાં વધુ સમયથી યુદ્ધ યથાવત્
- ગાઝા પટ્ટીનો સંપૂર્ણ વિસ્તાર કાટમાળમાં ફેરવાઈ ગયો
- ઈઝરાયલના વડાપ્રધાન બેંઝામિન નેતન્યાહૂ હવે પોતાની સરકારના મંત્રીથી ચિંતાગ્રસ્ત
મિડલ ઈસ્ટ એટલે કે, હમાસ અને ઈઝરાયલ વચ્ચે ભીષણ યુદ્ધને સાત મહિના કરતાં વધુ સમય થઈ ચુક્યો છે. હવે આ યુદ્ધની વચ્ચે ઈઝરાયલના વડાપ્રધાન બેંઝામિન નેતન્યાહૂને તેમની જ સરકારના કેબિનેટ પ્રધાને અલ્ટિમેટમ આપી દીધું છે. ઈઝરાયલી નેતાઓ વચ્ચે તણાવ વધતો જોવા મળી રહ્યો છે. જેના લીધે ઈઝરાયલી યુદ્ધ કેબિનેટના સભ્ય બેની ગેટ્ઝનું સરકારમાંથી રાજીનામું આપવાની ધમકી ઉચ્ચારી છે.
ગાઝાથી યુદ્ધ કરવાની માંગ
મળતી માહિતી અનુસાર, ત્રણ સપ્તાહની અંદર ગાઝામાં યુદ્ધ માટે એક નવી યોજના અપનાવામાં આવી શકે છે. આવું એટલા માટે કારણ કે, વડાપ્રધાન બેંઝામિન નેતન્યાહૂને પૂર્વ ઈઝરાયલના સંરક્ષણ પ્રધાન ગેટઝે ચેતવણી આપતા માંગ કરી છે કે કેબિનેટ આઠ જૂન સુધી હમાસ વિરુદ્ધ યુદ્ધની તૈયારી કરે.
સરકારમાંથી ખસી જવાની ચેતવણી ઉચ્ચારી
ગેટઝે ચેતવણી આપતા કહ્યું કે તેની માંગ પૂર્ણ નહિ કરવામાં આવે તો તે સરકારમાંથી દૂર થઈ જશે. તેમને જણાવ્યું કે યોજનામાં હમાસને સમાપ્ત કરવાનું અને બંધકોને પરત લાવવા, ગાઝા પટ્ટીમાં એક વૈકલ્પિક સરકારની સ્થાપના કરવી તેમજ ઈઝરાયના વતનીઓને પરત લાવવા સામેલ છે.
મહત્ત્વનો નિર્ણય લે નેતન્યાહૂ: ગેટ્ઝ
ગેટઝે સ્વીકાર કર્યો કે યુદ્ધનો નાગરિકો પર ખરાબ અસર પડશે. પરંતુ જોર આપીને જણાવ્યું કે મહત્ત્વના નિર્ણયની જરૂર છે. આ દરમ્યાન ઈઝરાયલના વડાપ્રધાન કાર્યાલયે બેની ગેટઝની સરકાર છોડવાની ધમકીને ફગાવી દેવામાં આવી છે. તેમને જણાવ્યું હમાસ વિરુદ્ધ યુદ્ધના આયોજન માટે તેમને જે અલ્ટિમેટમ આપ્યું છે. એનાથી ઈઝરાયલને નુકસાન થશે.
