સેવા સંસ્થા વિવેકાનંદ યુથ ક્લબ દ્વારા ૪૨૦૦ જોડી નવા સ્લીપરનું વિતરણ
આકરા તાપથી રક્ષણ આપવા સંસ્થા દ્વારા સેવાકાર્ય
અગ્ર ગુજરાત, રાજકોટ
રાજકોટ નગરમાં જાણીતી સેવા સંસ્થા વિવેકાનંદ યુથ ક્લબ દ્વારા છેલ્લા ૨૫ વર્ષથી પ્રતિવર્ષ ઉનાળાના દિવસો દરમ્યાન ધૂળિયા કે ડામરના રસ્તા પર ઉઘાડાપગે ફરતા બાળકો, બહેનો, ભાઈઓ,વડીલો સૌ કોઈને શહેરના સુખી અને માનવતાપ્રેમી દાતાઓના સહયોગથી નવા સ્લીપરનું વિતરણ કરવામાં આવે છે જે અંતર્ગત આ વર્ષે પણ આકરા તડકા અને અસહ્ય ગરમી ઉનાળામાં પડી રહી છે ત્યારે માનવતા જેના લોહીમાં વહે છે તેવા સેવાના રંગે રંગાયેલ કાર્યકર્તાઓ બળબળતા તાપ કે ૪૩ થી વધુ ડીગ્રી ગરમીમાં સાયકલ સ્કૂટર પર શહેરના ન્યુ ૧૫૦ ફૂટ રીંગ રોડ, રૈયા રોડ, કાલાવડ રોડ,યુનિવર્સિટી રોડ, જામનગર રોડ, ઢેબર રોડ,મવડી વિસ્તાર, સ્પીડવેલ પાર્ટી પ્લોટ, રેસ્કોર્સ, ભુપેન્દ્ર રોડ સહિતના વિસ્તારમાં રૂબરૂ જઈને ફૂટપાથ પર કે ખુલ્લા મેદાનમાં રહેતા, રસ્તા પર ઉઘાડા પગે જતા તેમજ બાંધકામ સાઈટ પર કામ કરતા મજદૂરો મજદૂરોના બાળકોને સાઇઝ મુજબના ૪૨૦૦ જોડી નવા સ્લીપરનું વિતરણ કરવામાં આવેલ છે.
સંસ્થાની જનસેવાની ઉમદા પ્રવૃતિમાં જયંતિલાલ એમ.પટેલ, રેસ્કોર્સ લાફીંગ ક્લબ, ઘનશ્યામભાઈ ઠક્કર, પ્રવીણભાઈ નથવાણી, મધુબેન રુઘાણી, નીરૂબેન અરૂણભાઈ રુઘાણી, ડો.સ્નેહલ બેટ, રામભાઈ જામંગ, ચંદુભાઈ રાયચુરા, ભાવેશ હરસોડા, સુનિલભાઈ એસ.શાહ, બાબુભાઈ પટેલ,હસુભાઈ રાયચુરા,પંકજ ઓઝા,નીતિનભાઇ કક્કડ સહિતના દાતાઓનો આર્થિક સહયોગ મળેલ છે
સ્લીપર વિતરણ પ્રવૃતિ વરસાદ પડશે ત્યાં સુધી ચાલુ રહેશે સ્લીપર વિતરણ પ્રવૃતિમાં સહયોગ આપવા માંગતા દાતાઓએ વિશેષ માહિતી પૂછપરછ માટે અનુપમ દોશી ૯૪૨૮૨૩૩૭૯૬ નો સંપર્ક સાધવા જણાવાયું છે
સ્લીપર વિતરણ કાર્યમાં ૪૩ ડીગ્રી ગરમી કે આગ ઝરતી લુ ની કે તડકાની પરવા કર્યા વગર સંસ્થાના કાર્યકર્તાઓ અનુપમ દોશી, પંકજ રૂપારેલિયા, દિનેશભાઈ ગોવાણી, હસુભાઈ શાહ, જીતુભાઈ ગાંધી, જનાર્દન આચાર્ય, જયેન્દ્રભાઈ મહેતા, વિપુલભાઈ ભટ્ટ, રમેશ શિશાંગીયા,હાર્દિક દોશી, જીતુભાઈ ચૌહાણ, મહારાજ વગેરે કાર્યરત રહ્યા હતાં.
