અવકાશયાત્રીઓ સુનીતા વિલિયમ્સ અને બૂચ વિલમોર તાજેતરમાં જ 9 મહિના પછી ઇન્ટરનેશનલ સ્પેસ સ્ટેશનથી પરત ફર્યા છે. આ અવકાશયાત્રીઓ માત્ર 8 દિવસ માટે સ્પેસ સ્ટેશન ગયા હતા, પરંતુ કેટલાક કારણોસર તેમને આખા 9 મહિના સુધી અવકાશમાં રહેવું પડ્યું હતું.આ પછી, રાષ્ટ્રપતિ ટ્રમ્પે હવે કહ્યું કે તેઓ જાણતા ન હતા કે અવકાશયાત્રીઓને અવકાશમાં વધેલા દિવસો માટે ઓવરટાઇમ પગાર મળ્યો નથી. આ કારણે ટ્રમ્પે કહ્યું કે તે અવકાશયાત્રીઓને પોતાના ખિસ્સામાંથી પૈસા આપશે.
રાષ્ટ્રપતિ ડોનાલ્ડ ટ્રમ્પે શુક્રવારે કહ્યું હતું કે તેઓ જાણતા નથી કે નાસાના અવકાશયાત્રીઓ સુનીતા વિલિયમ્સ અને બૂચ વિલ્મોરને આંતરરાષ્ટ્રીય અવકાશ સ્ટેશન (ISS) પર તેમન અચાનક આ રીતે રીતે લાંબા રોકાણ માટેનો કોઈ ઓવરટાઇમ પગાર મળ્યો નથી.
ટ્રમ્પે જ્યારે પૈસા આપવાની વાત કરી
વ્હાઇટ હાઉસ ખાતે પ્રેસ બ્રીફિંગ દરમિયાન, ફોક્સ ન્યૂઝના પીટર ડૂસીએ ડોનાલ્ડ ટ્રમ્પને જાણ કરી હતી કે અવકાશયાત્રીઓને સ્પેસ સ્ટેશન પર તેમના વિસ્તૃત રોકાણ માટે ઓવરટાઇમ પગાર મળ્યો નથી, જ્યારે તે દરરોજ 5 ડોલરનો હકદાર હતો – કુલ $1,430 (ભારતના રૂ. 1 લાખ 22 હજાર 980) તેને 286 દિવસ માટે આપવા જોઈએ.
આ માહિતી મળ્યા બાદ રાષ્ટ્રપતિ ટ્રમ્પે કહ્યું કે તેમને આ અંગે કોઈએ જાણ કરી નથી. જો જરૂર પડશે તો હું મારા ખિસ્સામાંથી તેમનો પગાર ચૂકવીશ. તેઓએ જે સહન કર્યું છે તે ધ્યાનમાં લેવું આ કોઈ મોટી વાત નથી.
એલન મસ્કનો માન્યો આભાર
ત્યારબાદ ટ્રમ્પે અવકાશયાત્રીઓ સુનીતા વિલિયમ્સ, બૂચ વિલ્મોર, નિક હેગ અને રોસકોસમોસ અવકાશયાત્રી એલેક્ઝાંડર ગોર્બુનોવને પૃથ્વી પર પાછા લાવવા માટે સ્પેસએક્સના એલોન મસ્કનો આભાર માન્યો. આ તમામ અંતરીક્ષયાત્રીઓ બુધવારે સ્પેસએક્સના ડ્રેગન અંતરીક્ષયાનમાં ધરતી પર પાછા આવ્યા હતા.
સુનિતા વિલિયમ્સ અને વિલ્મોર બોઇંગના નવા સ્ટારલાઇનર કેપ્સ્યુલનું પરીક્ષણ કરવા માટે 8 દિવસ માટે મિશન પર ગયા હતા, પરંતુ તકનીકી ખામીને કારણે, મિશનને 9 મહિના સુધી લંબાવવામાં આવ્યું હતું. સ્પેસક્રાફ્ટ ગયા વર્ષે સપ્ટેમ્બરમાં મુસાફરો વિના પરત ફર્યું હતું.
