ગુજરાતીઓને ગોવામાં વાહન ભાડે લઈને ફરવાનો ક્રેઝ ભારે પડ્યો

• ટ્રાફિકના નિયમો ભૂલી જતા ગંભીર પરિણામ
  
• મહેસાણાના 6 પ્રવાસીઓના લાઇસન્સ સસ્પેન્ડ
  
• 78 પ્રવાસીઓને ટ્રાફિકના નિયમનો ભંગ કર્યો
  

ગોવા અને અન્ય ટુરિસ્ટ સ્થળો ઉપર વાહન ભાડે લઈને ફરવાનો ક્રેઝ ભારે પડી શકે છે. ગોવા ખાતે ફરવા ગયેલા મહેસાણાના 6 પ્રવાસીના ટ્રાફિક નિયમનો ભંગ બદલ લાઇસન્સ સસ્પેન્ડ કરવામાં આવ્યા છે. તો અન્ય રાજ્ય મળી કુલ 78 લાઇસન્સ મહેસાણા આરટીઓએ સસ્પેન્ડ કર્યા છે.

ટ્રાફિકના નિયમો ભૂલી જતા ગંભીર પરિણામ

ગોવા અને અન્ય રાજ્યમાં ટ્રાફિક નિયમનો ભંગ કરતા પકડાયેલા લોકોના લાઇસન્સ સસ્પેન્ડ કરવા મહેસાણા આરટીઓને અભિપ્રાય મોકલ્યો હતો. આ અભિપ્રાય આધારે મહેસાણા આરટીઓએ લાઇસન્સ સસ્પેન્ડ કર્યા છે. ગુજરાતીઓ ફરવાના જબરા શોખીન છે. અને એમાય ગોવા કે અન્ય ટુરિસ્ટ સ્થળો ઉપર ગુજરાતીઓ ફરવા જાય ત્યારે વાહન ભાડે લઈને જાતે જ ડ્રાઈવ કરીને એડવેન્ચર માણતા હોય છે. પણ આવા સ્થળોએ ડ્રાઇવ કરતા પૂર્વે ટ્રાફિક નિયમનું પાલન થાય એ જોવું ખૂબ જરૂરી છે. કેટલીક વખત આવા સ્થળો ઉપર જાતે ડ્રાઇવ કરતા લોકો ફરવાની મસ્તીમાં ટ્રાફિકના નિયમો ભૂલી જતા ગંભીર પરિણામ પણ ભોગવવા પડતા હોય છે.

કુલ 78 લોકો છે કે જેમના લાઇસન્સ સસ્પેન્ડ કરવામાં આવ્યા

મહેસાણાના આવા 78 પ્રવાસીઓને ટ્રાફિકના નિયમના ભંગ બદલ લાઇસન્સ ગુમાવવા પડ્યા છે. ગોવા ખાતે ફરવા ગયેલા આવા 6 પ્રવાસી ગોવા પોલીસના હાથે પકડાયા હતા અને પોલીસે આવા પ્રવાસીઓના લાઇસન્સ સસ્પેન્ડ કરવા મહેસાણા આરટીઓને લેખિત જાણ કરતા મહેસાણા આરટીઓએ આ પ્રવાસીઓના લાઇસન્સ સસ્પેન્ડ કરી દીધા છે. મહેસાણામાં આવા કુલ 78 લોકો છે કે જેમના લાઇસન્સ સસ્પેન્ડ કરવામાં આવ્યા છે. જોકે બાકીના 72 લોકો અન્ય રાજ્યમાં પકડાયેલા છે. અને તેમના લાઇસન્સ પણ સ્થગિત કરી દેવાયા છે