- આજે મેલા રૂજ અને વાઈલ્ડ લાઈફ વોક માં પહોંચશે
- દેશ-વિદેશના ક્રિકેટરો, બિઝનેસમેનો હાજર રહ્યા
- બોલીવુડ અને સાઉથના સુપરસ્ટાર્સ જામનગરના આંગણે પધાર્યા
ત્રણ દિવસની અનંત અને રાધિકાના પ્રી-વેડિંગ સેરેમનીનો આજે બીજો દિવસ છે. જેમાં આજે અગાઉ જ રિલાયન્સ ઈન્સ્ટ્રીઝ દ્વારા જાહેર કરવામાં આવેલા પ્રોગ્રામ અનુસાર, આજે મહેમાનો દ્વારા વાઈલ્ડ લાઈફ વોક કરવામાં આવશે જેમાં વનતારાની મુલાકાત લેશે. આ સાથે જ મહેમાનોને ‘મેલા રૂજ’માં લઈ જવામાં આવશે. આ દરમિયાન વિશેષ મહેમાનો સાઉથ એશિયન ડ્રેસ કોડમાં હાજરી આપશે.
રિહાનાએ પ્રથમ દિવસને યાદગાર બનાવ્યો
જામનગરમાં શુક્રવારે અનંત અંબાણી અને રાધિકા મર્ચન્ટના પ્રી-વેડિંગ ઈવેન્ટની શરૂઆત થઈ છે. જેમાં મુકેશ અંબાણીએ તમામ મહેમાનોનું સ્વાગત કર્યું હતું. જે સાથે જ કાર્યક્રમમાં આતંરરાષ્ટ્રીય સ્તાર રિહાનાએ પરફોમન્સ આપ્યો હતો. જેમાં અંબાણી પરિવાર સહિત તમામ હાજર મહેમાનોએ મજા માણી હતી.
આ પછી આજે વહેલી સવારે રિહાના જામનગરથી અમેરિકા જવા રવાના થઈ ગઈ છે. તેમજ રિહાનાએ પહેલી વખત ભારતમાં પરફોમન્સ આપ્યો છે અને જેના સાથે જ જતા સમયે તેમણે કહ્યું હતું કે, તેઓને ભારત સાથે ખુબ પ્રેમ છે અને હજુ પણ ભારત આવવાની ઈચ્છા છે. આ તેનો બેસ્ટ શો છે. રિહાનાના આ પરફોર્મન્સને વર્ષો સુધી યાદ રાખવામાં આવશે.
મહેમાનોની હાજરીમાં ભવ્ય કાર્યક્રમ યોજાશે
જ્યારે આજે બીજી દિવસના વિવિધ કાર્યક્રમમાં બોલીવુડ થી વિશ્વભરના દિગ્ગજો હાજરી આપશે. આ માટે ક્રિકેટર સચિન તેંડુલકર, મહેન્દ્રસિંહ ધોની, રોહિત શર્મા, કિરણ પોલાર્ડ, ડ્વેન બ્રાવો, રાશિદ ખાન, સૂર્ય કુમાર યાદવ, ઈશાન કિશન, ઝહીર ખાન સહિતનાઓ પરિવાર સાથે જામનગરમાં પહોંચી ગયા છે. આ ઉપરાંત બોલીવૂડ સ્ટાર સુનીલ શેટ્ટી, શાહરૂખ ખાન, અજય દેવગણ, અનિલ કપૂર, સલમાન ખાન, આમિર ખાન, અર્જુન કપૂર, જ્હોન અબ્રાહમ, રિતેષ દેશમુખ, એક્ટ્રેસ દિશા પટણી, જેનેલિયા, અનિસ્સા મલ્હોત્રા અને અરમાન જૈન, અનુ મલિક, એટલી કુમાર અને તેની પત્ની ક્રિષ્નાપ્રિયા સહિતનાઓ પણ જામનગરમાં કાર્યક્રમ માટે પહોંચ્યા છે.
તેમજ વિશ્વભરના દિગ્ગજો પણ જામનગરમાં હાજર છે જેમાં ડોનાલ્ડ ટ્રમ્પની પુત્રી ઈવાન્કા, બિલ ગેટ્સ, દુબઈના શેખ મોહમ્મદ બિન રાશિદ અલ મકતુમ, DLFના ચેરમેન કેપી સિંહ, બિઝનેસમેન સવજી ધોળકિયા તેમજ સુહેલ શેઠ, માર્ક ઝકરબર્ગ, અમેરિકન સિંગર જે બ્રાઉન અને સોન્ગ રાઇટર એડમ બ્લેકસ્ટોન, મિસ વર્લ્ડ માનુષી છિલ્લર સહિત દેશ-વિદેશના અનેક મહેમાનો જામનગરના આંગણે પધાર્યા છે. તેમજ આજે પણ વિવિધ સ્ટાર્સના ડાન્સ પરફોમન્સ જોવા મળી શકે છે.
