વેરાવળ રોટરી અને ઇનર વ્હીલ ક્લબના નવા હોદ્દેદારોની વરણી, શપથ વિધિ
પૂર્વ ડિસ્ટ્રિક્ટ ગવર્નર અમરદીપ સિંહ બુનેટના હસ્તે પદગ્રહણ સમારોહ યોજાયો
અગ્ર ગુજરાત, વેરાવળ
વેરાવળ રોટરી ક્લબ અને ઇનર વ્હીલ ક્લબ ઓફ વેરાવળ દ્વારા વર્ષ 2026-27ના નવનિયુક્ત હોદેદારોનો ઈન્સ્ટોલેશન સમારોહ લાલજી કેશવજી ભેડા કોમ્યુનિટી હોલ ખાતે યોજાયેલ હતો. આ સમારોહમાં બંન્ને સંસ્થાની નવી ટીમએ સત્તાવાર રીતે કાર્યભાર સંભાળ્યો હતો.
વર્ષ 1961 થી સમાજસેવાના વિવિધ ક્ષેત્રોમાં કાર્યરત રોટરી ક્લબ ઓફ વેરાવળ દ્વારા આગામી નવા રોટરી વર્ષ માટે પ્રમુખ તરીકે રોટેરિયન રાજેશ જયસ્વાલ, સેક્રેટરી તરીકે રોટેરિયન રવિ સમાણી તેમજ તેમની ટીમનો ઈન્સ્ટોલેશન સમારોહ યોજાયો હતો. પૂર્વ ડિસ્ટ્રિક્ટ ગવર્નર અને ઇન્સ્ટોલિંગ ઓફિસર અમરદીપ સિંહ બુનેટ દ્વારા નવી ટીમને શપથ લેવડાવી સત્તાવાર રીતે પદભાર સોંપ્યો હતો. આ સાથે કાર્યક્રમમાં ઇનર વ્હીલ ક્લબ ઓફ વેરાવળની નવી કાર્યકારિણીનું પણ પદગ્રહણ યોજાયુ હતું. જેમાં ક્લબના પ્રમુખ તરીકે અનિતા ભાનુશાળી તથા સેક્રેટરી તરીકે ઉર્વશી ગોવરાણી અને તેમની ટીમને ઇન્સ્ટોલિંગ ઓફિસર માયાબેન વ્યાસ દ્વારા શપથ લેવડાવવામાં આવ્યા હતા.
આ કાર્યક્રમમાં મુખ્ય અતિથિ તરીકે ભાજપના અગ્રણી ઝવેરીભાઈ ઠકરાર ઉપસ્થિત રહી નવ નિયુક્ત હોદેદારો ને શુભેચ્છા પાઠવી હતી. જયારે અગ્રણી ઉદ્યોગપતિઓ, સમાજસેવકો, રોટરી અને ઇનર વ્હીલ પરિવારના સભ્યો તેમજ આમંત્રિત મહેમાનો મોટી સંખ્યામાં હાજર રહ્યા હતા. રોટરી ક્લબ ઓફ વેરાવળ દ્વારા વર્ષ દરમ્યાન આરોગ્ય, શિક્ષણ, પર્યાવરણ સંરક્ષણ, રક્તદાન, સેવા અને સામાજિક કલ્યાણના અનેક પ્રકલ્પો હાથ ધરવામાં આવે છે. નવી ટીમ પણ વધુ અસરકારક અને જનહિતલક્ષી સેવા પ્રવૃત્તિઓને વેગ આપવાનો સંકલ્પ વ્યક્ત કર્યો હતો.
