MSB શાળાનો વર્ષ ૨૦૨૬-૨૭ માટેનો પદગ્રહણ સમારોહ યોજાયો
DCP જગદીશ બાંગરવાએ છાત્રોને કારકિર્દીઓને માર્ગદર્શન આપ્યું
અગ્ર ગુજરાત, રાજકોટ
એમ.એસ.બી સ્કૂલ – રાજકોટ ૨૫ એપ્રિલે શૈક્ષણિક વર્ષ ૨૦૨૬-૨૭ માટે પદગ્રહણ સમારોહનું આયોજન કરવામાં આવ્યું હતું. આ પ્રસંગે વિદ્યાર્થી પરિષદની ઔપચારિક નિમણૂક કરવામાં આવી હતી, જેમાં યુવા નેતાઓની પ્રતિભાને ઓળખી તેમને વિવિધ જવાબદારીઓ સોંપવામાં આવી હતી.
આ સમારોહમાં મુખ્ય અતિથિ તરીકે જગદીશ બાંગરવા, IPS (ડે. સીપી – ક્રાઈમ બ્રાંચ અને સ્પેશિયલ બ્રાંચ – રાજકોટ શહેર) ઉપસ્થિત રહ્યા હતા. તેમની સમારોહ દરમિયાન, પસંદ કરાયેલા વિદ્યાર્થી નેતાઓને તેમના હોદ્દા અને જવાબદારીઓના પ્રતીક રૂપે બેજ એનાયત કરવામાં આવ્યા હતા. આ ક્ષણે વિદ્યાર્થીઓમાં ગર્વ અને કર્તવ્ય પ્રત્યેની પ્રતિબદ્ધતાની લાગણી જગાડી હતી, પોતાના સંબોધનમાં, જગદીશ બાંગરવાએ તેમની પ્રેરણાદાયી સફર વિશે વાત કરી હતી. તેમણે વિદ્યાર્થી જીવનમાં શિસ્ત, સમર્પણ અને ખંતના મહત્વ વિશે સમજાવ્યું હતું. તેમણે વિદ્યાર્થીઓને હિંમત અને મક્કમતા સાથે પડકારોનો સામનો કેવી રીતે કરવો તે અંગે માર્ગદર્શન આપ્યું હતું. આ ઉપરાંત, તેમણે વિદ્યાર્થીઓને તેમના લક્ષ્યો પર ધ્યાન કેન્દ્રિત કરવા અને મોબાઈલ ફોનના અતિશય ઉપયોગથી દૂર રહેવાની ખાસ સલાહ આપી હતી, સમારોહ બાદ, પર્યાવરણીય જાગૃતિ અને જવાબદારીને પ્રોત્સાહન આપવા માટે મુખ્ય અતિથિએ એમ.એસ.બી કેમ્પસમાં પ્રિન્સિપાલ હુસૈન તરવાડી સાથે વૃક્ષારોપણ કર્યું હતું, સમગ્ર કાર્યક્રમનો અત્યંત સકારાત્મક રીતે અંત આવ્યો હતો. તેમ શેખ યુસુફભાઈ જોહર કાર્ડસવાળાએ જણાવ્યું હતું.
