સૌરાષ્ટ્ર યુનિવર્સિટીમાં સરદાર વલ્લભભાઈ પટેલની જન્મજયંતિએ ” એકતા દિવસ”ની ઉજવણી
પ્રતિમાને કુલપતિ સહિતના શૈક્ષણીક-બિનશૈક્ષણીક કર્મચારીઓએ પુષ્પાંજલિ અર્પણ કરી
અગ્ર ગુજરાત, રાજકોટ
સૌરાષ્ટ્ર યુનિવર્સિટીમાં ભારત દેશના લોહપુરુષ સરદાર વલ્લભભાઈ પટેલજીની ૧૫૧ મી જન્મજયંતિ “રાષ્ટ્રીય એકતા દિવસ” ની ઉજવણી કરવામાં આવી હતી.
સૌરાષ્ટ્ર યુનિવર્સિટી પરિસરમાં સ્થિત સરદાર વલ્લભભાઈ પટેલની પ્રતિમાને કુલપતિ પ્રોફે. ઉત્પલભાઈ જોશી, બોર્ડ ઓફ મેનેજમેન્ટના સભ્યઓ, એક્ઝીક્યુટીવ કાઉન્સીલના સભ્યઓ, કુલસચિવ ડૉ. અજયસિંહ જાડેજા, પરીક્ષા નિયામક ડૉ. ધીરેનભાઈ પંડ્યા, ભવનોના અધ્યક્ષો – અધિકારીઓ તથા શૈક્ષણીક-બિનશૈક્ષણીક કર્મચારીઓએ પુષ્પાંજલિ અર્પણ કરી હતી.
સરદાર વલ્લભભાઈ પટેલ સાહેબની ૧૫૧ મી જયંતિ સૌરાષ્ટ્ર યુનિવર્સિટીના કુલપતિશ્રી પ્રોફે. ઉત્પલભાઈ જોશી સાહેબે જણાવ્યું હતું કે, સરદાર વલ્લભભાઈ પટેલ સાહેબ એ ભારતની એકતા અને અખંડિતતાનું પ્રતિક છે. આઝાદી પછીની પરિસ્થિતિમાં “રાષ્ટ્ર પ્રથમ” ની સંકલ્પનાને સરદાર વલ્લભભાઈ પટેલ સાહેબે સાકાર કરી છે. સમગ્ર વર્ષ દરમિયાન યુગપુરૂષ સરદાર વલ્લભભાઈ પટેલજીને યાદ કરી રાષ્ટ્ર માટે આપણે સૌ કાર્ય કરીએ. સૌરાષ્ટ્ર યુનિવર્સિટીમાં ‘સરદાર પટેલ ચેર’ ના માધ્યમથી સરદાર સાહેબના કરેલા કાર્યોને વિદ્યાર્થીઓ અને જન-જન સુધી પહોંચાડીએ. સમાજમાં ‘એકતા’ નો સંકલ્પ કરીએ અને એ દિશામાં કાર્ય કરીએ. સૌરાષ્ટ્ર યુનિવર્સિટીમાં સરદાર વલ્લભભાઈ પટેલ સાહેબ વિશે ક્વિઝ સ્પર્ધા, નિબંધ સ્પર્ધા જેવા આયોજનો ‘સરદાર પટેલ ચેર’ ના માધ્યમથી કરવામાં આવશે.
આ કાર્યક્રમને સફળ બનાવવા કુલપતિના માર્ગદર્શન હેઠળ સામાન્ય વિભાગના કર્મચારીઓ તથા સરદાર પટેલ ચેરના સૌએ જહેમત ઉઠાવી હતી.
આ શુભ પ્રસંગે યુનિવર્સિટીના બોર્ડ ઓફ મેનેજમેન્ટના સભ્યઓ, એક્ઝીક્યુટીવ કાઉન્સીલના સભ્યઓ, વિવિધ ભવનોના અધ્યક્ષઓ, સરદાર પટેલ ચેરના કોઓર્ડીનેટર ડૉ. રમેશભાઈ કોઠારી, યુનિવર્સિટીના અધિકારીઓ, શૈક્ષણીક-બિનશૈક્ષણીક કર્મચારીઓ ઉપસ્થિત રહ્યા હતા.
