- ઈઝરાયેલ-હમાસ યુદ્ધને લઈને અમેરિકાનું મોટું નિવેદન
- ગાઝામાં હમાસ પરના હુમલાને 4 કલાક રોકવાનો આદેશ
- ગાઝામાં નાગરિકોના સુરક્ષિત સ્થળાંતરનો માર્ગ મોકળો
ઈઝરાયેલ-હમાસ યુદ્ધને લઈને અમેરિકાએ મોટું નિવેદન આપ્યું છે. મળતી માહિતી અનુસારકે ઇઝરાયેલ નાગરિકોના સ્થળાંતરને સુનિશ્ચિત કરવા માટે ગુરુવારથી ઉત્તર ગાઝામાં હમાસ પરના તેના હુમલાઓને દરરોજ ચાર કલાક માટે રોકવા માટે તૈયાર છે. બાઇડેન પ્રશાસને કહ્યું કે અમેરિકાએ ફરી એકવાર ગાઝામાં નાગરિકોના સુરક્ષિત સ્થળાંતરનો માર્ગ મોકળો કર્યો છે.
રાષ્ટ્રપતિ જો બાઇડેને સોમવારના કોલ દરમિયાન ઇઝરાયેલના વડા પ્રધાન બેન્જામિન નેતન્યાહુને દૈનિક યુદ્ધવિરામ માટે કહ્યું. યુએસ નેશનલ સિક્યોરિટી કાઉન્સિલના પ્રવક્તા જોન કિર્બીએ જણાવ્યું હતું કે ઈઝરાયલે દિવસમાં ચાર કલાક હુમલા રોકવા માટે પ્રતિબદ્ધતા દર્શાવી છે.
બંધકોને મુક્ત કરવા પર વાતચીત
જ્હોન કિર્બીએ જણાવ્યું હતું કે ઇઝરાયેલ નાગરિકોને તે વિસ્તારોમાંથી બહાર કાઢવા માટે બીજો કોરિડોર પણ ખોલી રહ્યું છે, જે હમાસ સામેના તેના લશ્કરી અભિયાનનું હાલનું કેન્દ્ર છે. બાઇડેને જણાવ્યું હતું કે તેણે હમાસ દ્વારા બંધકોની મુક્તિ અંગેની વાટાઘાટો દરમિયાન ઇઝરાયલને ત્રણ દિવસથી વધુ હુમલાઓ બંધ કરવા કહ્યું હતું. જોકે, તેમણે કહ્યું કે સામાન્ય યુદ્ધવિરામની કોઈ શક્યતા નથી.
માનવ પરિસ્થિતિઓમાં સુધારો
યુએસ સેક્રેટરી ઓફ સ્ટેટ એન્ટની બ્લિંકને ગયા અઠવાડિયે ઇઝરાયેલને જણાવ્યું હતું કે તેણે ગાઝામાં પેલેસ્ટિનિયન નાગરિકો માટે માનવતાવાદી પરિસ્થિતિઓને સુધારવા માટે પૂરતી ઝડપથી કાર્યવાહી કરી નથી. આને કારણે, તે હમાસ સામે તેના યુદ્ધને વધારીને શાંતિ માટે કોઈપણ સંભવિત તકોને નષ્ટ કરવાનું જોખમ ધરાવે છે. બ્લિંકને જણાવ્યું હતું કે આવી સ્થિતિ પેલેસ્ટિનિયનોને વધુ કટ્ટરપંથી બનાવશે અને સંઘર્ષને સમાપ્ત કરવા માટે કોઈપણ શાંતિ મંત્રણાના પુનઃપ્રારંભની સંભાવનાઓને અસરકારક રીતે સમાપ્ત કરશે.
ફ્રાન્સના રાષ્ટ્રપતિ એમેન્યુઅલ મેક્રોને ગુરુવારે ગાઝા સહાય પરિષદની શરૂઆત કરી, ઇઝરાયેલને નાગરિકોની સુરક્ષા માટે અપીલ કરતા કહ્યું કે તમામ જીવન સમાન મૂલ્ય ધરાવે છે અને આતંકવાદ સામે લડવું ક્યારેય નિયમો વિના કરી શકાતું નથી.
