- બાંગ્લાદેશ-શ્રીલંકાના રાજદ્વારીઓએ યુએન ઠરાવ કર્યો
- સંયુક્ત રાષ્ટ્રમાં કેનેડાને કેટલીક સલાહ આપી
- આતંકવાદને લઈને કરી મોટી ચર્ચા વિચારણા
ભારત અને કેનેડા વચ્ચે ચાલી રહેલા રાજદ્વારી વિવાદ વચ્ચે ભારતે સંયુક્ત રાષ્ટ્રમાં કેનેડાને અરીસો બતાવ્યો છે. એક મોટા રાજદ્વારી પગલામાં, ભારતે સંયુક્ત રાષ્ટ્રમાં કેનેડાને પૂજા સ્થાનો અને કટ્ટરતાના નાં ગુનાઓ પર હુમલાઓ અટકાવવા સલાહ આપી. ભારત, બાંગ્લાદેશ અને શ્રીલંકાના રાજદ્વારીઓએ યુએન માનવ અધિકાર પરિષદની બેઠક દરમિયાન એક ઠરાવ પર ચર્ચા દરમિયાન કેનેડાને કેટલીક સલાહ આપી હતી.
ડોમેસ્ટિક નેટવર્ક મજબુત કરો
સંયુક્ત રાષ્ટ્રમાં ભારતના રાજદ્વારી મોહમ્મદ હુસૈને કહ્યું કે, ‘ભારતની કેનેડાને સલાહ છે કે, તે પોતાના ડોમેસ્ટિક નેટવર્કને વધારે મજબુત કરે. પછી બીજુ બધુ. જેથી વાણી સ્વાતંત્ર્યનો દુરુપયોગ ન થઈ શકે. તે જ સમયે, કટ્ટરવાદને પ્રોત્સાહન આપવું જોઈએ નહીં અને હિંસા ભડકવી જોઈએ નહીં. ભારતીય રાજદ્વારીએ કહ્યું કે કેનેડામાં ધાર્મિક સ્થાનો અને ધાર્મિક લઘુમતીઓ પર થતા હુમલાઓ પણ બંધ કરવા જોઈએ. નફરતના ગુનાઓ અને દ્વેષપૂર્ણ ભાષણોને રોકવા માટે કાયદા મજબૂત કરવા જોઈએ. ભારત અને કેનેડા વચ્ચેના સંબંધો આ દિવસોમાં ખરાબ તબક્કામાંથી પસાર થઈ રહ્યા છે. વાસ્તવમાં ખાલિસ્તાની આતંકવાદી હરદીપ સિંહ નિજ્જરની કેનેડામાં ગત જૂનમાં ગોળી મારીને હત્યા કરવામાં આવી હતી. કેનેડાના પીએમ જસ્ટિન ટ્રુડોએ સંસદમાં ઉભા રહીને આ હત્યામાં ભારતનો હાથ હોવાનો આરોપ લગાવ્યો હતો.
કાયદાનો ભંગ ન થવો જોઈએ
જોકે, ભારતે ટ્રુડોના આરોપોને વાહિયાત ગણાવીને ફગાવી દીધા હતા. આ પછી ભારતે કેનેડાના નાગરિકો માટે વિઝા સેવાઓ સ્થગિત કરી દીધી હતી. જોકે, વિઝા સેવાઓ તાજેતરમાં ફરી શરૂ કરવામાં આવી છે. હવે ગયા શનિવારે, કેનેડિયન પીએમએ ફરી એકવાર ભારત પર આરોપ મૂક્યો અને 40 કેનેડિયન રાજદ્વારીઓની રાજદ્વારી પ્રતિરક્ષા રદ કરવાના ભારતના નિર્ણયને વિયેના સંમેલનનું ઉલ્લંઘન ગણાવ્યું. કેનેડાના પીએમએ એમ પણ કહ્યું કે જો મોટા દેશો આંતરરાષ્ટ્રીય કાયદાનું ઉલ્લંઘન કરશે તો સ્થિતિ ખૂબ જ ખતરનાક બની જશે.
