- ઉત્તર-પૂર્વીય દિશા બદલાતા ઠંડીનો ચમકારો વધ્યો
- ગઈકાલ રાતથી લઘુતમ તાપમાનનો 3 થી 4 ડિગ્રીનો ઘટાડો
- અમદાવાદમાં લઘુતમ તાપમાન 18 ડિગ્રી
રાજ્યભરમાં ઠંડીનો ચમકારો દેખાવા લાગ્યો છે. જેમાં ઉત્તર-પૂર્વીય દિશા બદલાતા ઠંડીનો ચમકારો વધ્યો છે. ગઈકાલ રાતથી લઘુતમ તાપમાનનો 3 થી 4 ડિગ્રીનો ઘટાડો થયો છે. ત્યારે કચ્છમાં લઘુતમ તાપમાન 16.02 ડિગ્રી રહ્યું છે. તથા અમદાવાદમાં લઘુતમ તાપમાન 18 ડિગ્રી રહ્યું છે.
ભાવનગર 20 ડિગ્રી લઘુતમ તાપમાન રહ્યું
વડોદરામાં 19.01, સુરત 21 ડિગ્રી લઘુતમ તાપમાન સાથે ભાવનગર 20 ડિગ્રી લઘુતમ તાપમાન રહ્યું છે. દિવાળીના તહેવારમાં જ ગુજરાતમાં ગુલાબી ઠંડીનું આગમન થઈ ચૂક્યું છે. અમદાવાદ સહિત રાજ્યના તમામ શહેરોમાં શિયાળાના આગમનની છડી પોકારતી ગુલાબી ઠંડીનો ચમકારો વધી રહ્યો છે. રાજ્યના તમામ શહેરોમા ઠંડીનો ચમકારો વધતા તાપણા તૈયાર રાખવા પડે તેવી સ્થિતિનું નિર્માણ થયું છે. આજના હવામાના આંકડાની વાત કરવામાં આવે તો આજે અમદાવાદમાં તાપમાન 18 ડિગ્રીએ પહોંચ્યું છે.
ડિસેમ્બર અંતમાં ઠંડીનો ખરો અનુભવ થશે
ડિસેમ્બર અંતમાં ઠંડીનો ખરો અનુભવ થશે. સૌરાષ્ટ્રના કેટલાક વિસ્તારમાં વાદળછાયું વાતાવરણ રહી શકે છે. ત્યારે આગામી દિવસોના વાતાવરણ અંગે વિભાગની આગાહી છે. તેમાં બે દિવસ બાદ રાજ્યવાસીઓને ઠંડીનો અનુભવ થઈ શકે છે. બે દિવસ બાદ તાપમાનમાં 2 ડિગ્રી કરતા વધુ ઘટાડો આવી શકે છે. કેટલાક સ્થળો પર વાદળછાયુ વાતાવરણ રહી શકે છે.
ગુજરાતના અનેક શહેરોમાં ઠંડીનો પારો ગગડીને 16 ડીગ્રીએ પહોચ્યો
ગુજરાતમાં અડધો નવેમ્બર મહિનો વિતતા જ શિયાળાએ પગરવ કર્યો છે. હાલમાં મોડી રાત્રીથી વહેલી સવારે ઠંડીનો ચમકારો અનુભવાઈ રહ્યો છે. ખાસ કરીને ગ્રામ્ય પંથકમાં ઠંડીનો ચમકારો વધુ રહ્યો છે. આજે ગુજરાતના અનેક શહેરોમાં ઠંડીનો પારો ગગડીને 16 ડીગ્રીએ પહોચ્યો છે.
