- અટકળો લગાવવામાં આવી રહી છે કે તેઓ પાંચમી વખત મુખ્યમંત્રી પદ સંભાળી શકે છે
- મધ્યપ્રદેશ વિધાનસભાનો કાર્યકાળ 15મી ડિસેમ્બરમાં સમાપ્ત થઈ રહ્યો છે
- હું સીએમ પદ વિશે વિચારતો નથી : શિવરાજ સિંહ ચૌહાણ
મધ્યપ્રદેશ વિધાનસભા ચૂંટણીના પરિણામોમાં ભાજપનું કમળ ખીલ્યું છે. જંગી બહુમતીથી જીતીને કોણ બનશે મુખ્યમંત્રી? એજ અત્યારે તો ચર્ચામાં છે. ભાજપે આ વખતે મધ્યપ્રદેશ માટે મુખ્યમંત્રીપદનો ચહેરો પસંદ કર્યો નથી. જો કે શિવરાજસિંહ ચૌહાણ, નરેન્દ્રસિંહ તોમર, પ્રહલાદ પટેલ, કૈલાશ વિજયવર્ગીય અને પ્રદેશ પ્રમુખ વીડી શર્માના નામની ચર્ચા શરૂ થઈ ગઈ છે.હાલમાં કૈલાશ વિજયવર્ગીય, પ્રહલાદસિંહ પટેલ સહિત અનેક મોટા નેતાઓ દિલ્હીમાં હાજર છે. માનવામાં આવે છે કે ટૂંક સમયમાં જ એમપીમાં બીજેપી વિધાયક દળની બેઠક બોલાવવામાં આવી શકે છે.
મુખ્યમંત્રીની પસંદગી થઈ શકે છે અને શપથગ્રહણ ટૂંક સમયમાં પૂર્ણ થઈ શકે છે
વડા પ્રધાન નરેન્દ્ર મોદીએ તેમની સભાઓમાં શિવરાજ સરકારના કામનો ઘણો ઉલ્લેખ કર્યો હતો, જેના કારણે એવી અટકળો લગાવવામાં આવી રહી છે કે તેઓ પાંચમી વખત મુખ્યમંત્રી પદ સંભાળી શકે છે. મધ્યપ્રદેશ વિધાનસભાનો કાર્યકાળ 15મી ડિસેમ્બરમાં સમાપ્ત થઈ રહ્યો છે. 16મીથી મલમાસ શરૂ થવાને કારણે તમામ શુભ કાર્યો અટકી જશે. આવી સ્થિતિમાં મુખ્યમંત્રીની પસંદગી થઈ શકે છે અને શપથગ્રહણ ટૂંક સમયમાં પૂર્ણ થઈ શકે છે.
હું સીએમ પદ વિશે વિચારતો નથી’
મધ્યપ્રદેશ વિધાનસભા ચૂંટણીમાં ભાજપની જીત બાદ સીએમ બનવા વિશે પૂછવામાં આવતા શિવરાજ સિંહ ચૌહાણે કહ્યું, ‘હું સીએમ પદ વિશે વિચારતો નથી, મારી પાર્ટી નક્કી કરશે કે ક્યાં કામ કરવું. INDIA ગઠબંધન અંગે તેમણે કહ્યું કે વિપક્ષ પીએમ નરેન્દ્ર મોદી સાથે સ્પર્ધા કરી શકે તેમ નથી, તેઓ ફરીથી વડાપ્રધાન બનશે. દક્ષિણમાં ભાજપ સતત મજબૂત થઈ રહી છે.
મધ્યપ્રદેશના સીએમ શિવરાજ સિંહ ચૌહાણે કહ્યું, “…ન તો હું પહેલા સીએમનો દાવેદાર હતો અને ન હવે. હું માત્ર પાર્ટીનો કાર્યકર છું અને પાર્ટી જે પણ પદ કે ફરજ આપશે તે હું નિભાવીશ….””અયોધ્યામાં રામ મંદિર તૈયાર છે અને 22 જાન્યુઆરીએ, અમારા વડા પ્રધાન દ્વારા તેની પ્રાણપ્રતિષ્ઠા કરવામાં આવશે. અમે બધા ખૂબ જ ખુશ છીએ….”
