- લોકસભામાં રજૂ થયો એથિક્ટ કમિટીનો રિપોર્ટ
- બીજેપી સાંસદ વિજય સોનકરે અહેવાલ રજૂ કર્યો
- અહેવાલ રજૂ થતા જ ગૃહમાં થયો હોબાળો
શુક્રવારે લોકસભામાં તૃણમૂલ કોંગ્રેસના સાંસદ મહુઆ મોઇત્રાના સભ્યપદ સંબંધિત એથિક્સ કમિટિનો રિપોર્ટ રજૂ કરવામાં આવ્યો હતો. ભાજપના સાંસદ વિજય સોનકરે અહેવાલ રજૂ કર્યો હતો. રિપોર્ટમાં મહુઆ મોઇત્રાને લોકસભામાંથી હાંકી કાઢવાની ભલામણ કરવામાં આવી છે. અહેવાલ રજૂ થતાં જ ગૃહમાં હોબાળો થયો હતો. ટીએમસી સહિતના વિપક્ષી સાંસદોએ સૂત્રોચ્ચાર કર્યા, ત્યારબાદ લોકસભાની કાર્યવાહી સ્થગિત કરી દેવામાં આવી.
મહુઆ મોઇત્રાએ કર્યુ વોકઆઉટ
રિપોર્ટની રજૂઆત બાદ મહુઆ મોઇત્રાએ સંસદમાંથી વોકઆઉટ કર્યું હતું. ત્યારબાદ તેમણે જણાવ્યુ હતું કે મને મારું બપોરનું ભોજન કરવા દો. જે થવાનું છે તે બપોરે 2 વાગ્યા પછી થશે.
બીજી તરફ આરએસપી સાંસદ એનકે પ્રેમચંદ્રને લોકસભા અધ્યક્ષને પત્ર લખ્યો છે. તેમણે કહ્યું કે હવે રિપોર્ટ રજૂ કરીને દરખાસ્ત લાવવી યોગ્ય નથી. સાંસદોને રિપોર્ટ વાંચવા માટે સમય આપવો જોઈએ અને રિપોર્ટ પર વિસ્તૃત ચર્ચા થવી જોઈએ. કોંગ્રેસના સાંસદ અધીર રંજન ચૌધરી, સુદીપ બંદોપાધ્યાય સહિત વિપક્ષના સાંસદો લોકસભા અધ્યક્ષને મળ્યા હતા.
શશિ થરૂરે શું કહ્યું ?
રિપોર્ટ પર કોંગ્રેસના સાંસદ શશિ થરૂરે કહ્યું કે, અવિશ્વસનીય રીતે અપૂરતો રિપોર્ટ આપવામાં આવ્યો છે. એવું લાગે છે કે તે અઢી મિનિટમાં અપનાવવામાં આવ્યું હતું. એક સભ્યના જણાવ્યા મુજબ. યોગ્ય પગલાં લેવાયા નથી. તેમણે વધુમાં કહ્યું કે આ બધું અમને રાજકીય બદલો સૂચવે છે અને ન્યાયિક રીતે ટકાઉ પ્રક્રિયા નથી. આ અત્યંત દુર્ભાગ્યપૂર્ણ છે કે સંસદને આ હદ સુધી સીમિત રાખવામાં આવી રહી છે.
