ચીન-રશિયાને લાગશે ઝટકો..! આ ત્રણ દેશ બનાવશે દુનિયાનું સૌથી ઘાતક ફાઈટર જેટ

• બ્રિટન, ઈટાલી અને જાપાન સાથે મળીને બનાવશે ફાઈટર જેટ
• ઘાતક ફાઈટર જેટ ટેમ્પેસ્ટ નામથી ઓળખાશે
• 2025 સુધીમાં ટેમ્પેસ્ટ ફાઈટર જેટ ઉડતી જોવા મળશે

બ્રિટન, ઈટાલી અને જાપાન સાથે મળીને વિશ્વનું સૌથી શક્તિશાળી ફાઈટર જેટ બનાવશે. આ ફાઈટર જેટ દ્વારા દુશ્મન દેશો પર નજર રાખશે. આ ફાઈટર જેટનું નામ ટેમ્પેસ્ટ હશે. 2025 સુધીમાં ટેમ્પેસ્ટ ફાઈટર જેટ ઉડતી જોવા મળશે અને દુશ્મન દેશો માટે મોટી સમસ્યા બની શકે છે.

ટેમ્પેસ્ટમાં માત્ર સારા ગુણો જોવા મળશે. પાઇલોટ્સ તેને વર્ચ્યુઅલ રિયાલિટી હેડસેટથી ઓપરેટ કરી શકશે. એટલે કે તેઓ તેને રિમોટ દ્વારા જ ઉડાવી શકશે. તેમાં કોઈ ભૌતિક સાધનો હશે નહીં. જાણો આ ફાઈટર જેટ કેટલું ખાસ હશે અને તેને બનાવવા માટે ત્રણેય દેશો કેમ ભેગા થયા? તેને લઇ અનેક તર્કવિતર્ક થઇ રહ્યા છે.

વિશ્વનું અદ્યતન ફાઇટર જેટ કેટલું હાઇટેક હશે?

બ્રિટિશ સંરક્ષણ મંત્રાલયનું કહેવું છે કે આ વિશ્વનું સૌથી અદ્યતન ફાઈટર જેટ હશે. આ સુપરસોનિક જેટનું રડાર એટલું શક્તિશાળી હશે કે તે વર્તમાન જેટ કરતા 10 ગણી વધુ માહિતી અને ડેટા રિયલ ટાઈમમાં આપી શકશે. તે યુદ્ધ જીતવામાં મોટી ભૂમિકા ભજવશે.ધ નેશનલના અહેવાલ મુજબ, તેના સોફ્ટવેર અને હાર્ડવેરને નોંધપાત્ર રીતે અપગ્રેડ કરવામાં આવશે. મિશન મુજબ ફેરફારો કરી શકાય છે.

પાઇલોટ્સ તેને વર્ચ્યુઅલ રિયાલિટી હેડસેટથી ઓપરેટ કરી શકશે. આ જ કારણ છે કે તે ઈતિહાસનું સૌથી હાઈટેક ફાઈટર જેટ હશે. મીડિયા રિપોર્ટ્સ અનુસાર, તે હાઇપરસોનિક હથિયારોથી સજ્જ હશે જેથી દુશ્મનને સરળતાથી નિશાન બનાવી શકાય. ત્રણેય દેશોની ભાગીદારીને ગ્લોબલ કોમ્બેટ એર પ્રોગ્રામ (GCAP) નામ આપવામાં આવ્યું છે. આ હાઈટેક ફાઈટર જેટને જાપાનની મિત્સુબિશી હેવી, બ્રિટનની BAE સિસ્ટમ અને ઈટાલીની લિયોનાર્ડો કંપની દ્વારા સંયુક્ત રીતે વિકસાવવામાં આવી રહી છે.

આવું કરવાની જરૂર કેમ પડી?

ઈટાલી, બ્રિટન અને જાપાને મળીને પોતાના દુશ્મન દેશો પર નજર રાખવા માટે આ પ્રોજેક્ટ પર કામ શરૂ કર્યું છે. આ દેશો મળીને હાઈટેક જેટની મદદથી રશિયા, ચીન અને ઉત્તર કોરિયા પર નજર રાખવા માંગે છે. બ્રિટનને તેનું મુખ્ય મથક બનાવવામાં આવશે અને તેનું નેતૃત્વ જાપાનના અધિકારીઓ કરશે. આમાં ઈટાલીના અધિકારીઓ પણ મહત્વની ભૂમિકા ભજવશે. જાપાનના અધિકારીઓએ જવાબ આપ્યો છે. તેમનું કહેવું છે કે પ્રોજેક્ટના ટોપ હેડ બદલાતા રહેશે. ક્યારેક બ્રિટનને આ તક મળશે તો ક્યારેક જાપાનને.જાપાન ઝડપથી તેની સેનાને મજબૂત કરી રહ્યું છે જેથી તે ચીન સાથે સ્પર્ધા કરી શકે. ફાઈનાન્શિયલ ટાઈમ્સના રિપોર્ટ અનુસાર, એક અમેરિકન ડિફેન્સ ફર્મ પણ આ પ્રોજેક્ટ સાથે જોડાયેલી છે.

આ પ્રોજેક્ટ કેવી રીતે કાર્ય કરશે તે સંબંધિત તમામ નિર્ણયો યુકે હેડક્વાર્ટર દ્વારા લેવામાં આવશે. જાપાનના રક્ષા મંત્રીનું કહેવું છે કે બીજા વિશ્વયુદ્ધ બાદથી આપણે ખરાબ પરિસ્થિતિનો સામનો કર્યો છે. અમે હવે સુરક્ષા સંબંધિત બાબતો પર નજર રાખી રહ્યા છીએ.