- અહમદનગર-કલ્યાણ હાઇવે પર અજીરંચી બાગમાં એક સાથે ત્રણ અકસ્માતમાં આઠ લોકોના મોત થયા
- ઓતૂરથી કલ્યાણ તરફ જઈ રહેલા પીકઅપે કાબુ ગુમાવી દીધો હતો
- રિક્ષા અને ટ્રકને ટક્કર મારી હતી
રવિવારે મોડી રાત્રે મહારાષ્ટ્રના પુણેથી હૃદયદ્રાવક સમાચાર આવ્યા. અહમદનગર-કલ્યાણ હાઇવે પર અજીરંચી બાગમાં એક સાથે ત્રણ અકસ્માતમાં આઠ લોકોના મોત થયા. આ અકસ્માતમાં ઓતૂરથી કલ્યાણ તરફ જઈ રહેલા પીકઅપે કાબુ ગુમાવી દીધો હતો અને રિક્ષા અને ટ્રકને ટક્કર મારી હતી. મૃત્યુ પામેલાઓમાં બે બાળકો પણ સામેલ છે.
આ ભયાનક દુર્ઘટનાની માહિતી મળતા જ ઓતૂર પોલીસની એક ટીમ ઘટનાસ્થળે પહોંચી ગઈ હતી અને બચાવ કામગીરી શરૂ કરી હતી. પોલીસ સ્થાનિક લોકોની મદદથી રાહત કાર્યમાં લાગેલી છે. જણાવવામાં આવી રહ્યું છે કે મૃતકોમાં પાંચ પુરૂષ, એક મહિલા અને બે બાળકો છે. તમામ મૃતદેહોને પોસ્ટમોર્ટમ માટે ઓતુર લાવવામાં આવ્યા છે.
એક જ પરિવારના ચાર લોકોના મોત
પ્રાથમિક તપાસમાં જાણવા મળ્યું છે કે આ અકસ્માત 17 ડિસેમ્બર રવિવારના રોજ રાત્રે 10.30 થી 11.00 વાગ્યાની વચ્ચે થયો હતો. મૃતકોમાં મસ્કરે પરિવારના ચાર સભ્યોનો સમાવેશ થાય છે. 30 વર્ષના ગણેશ મસ્કરે, 25 વર્ષના કોમલ મસ્કરે, ચાર વર્ષના બાળક હર્ષદ મસ્કરે અને 6 વર્ષની બાળકી કાવ્યા મસ્કરેના મોત થયા છે. આ પરિવાર માધમાં શાકભાજીનો વ્યવસાય કરતો હતો. બાકીના ચાર મૃતકો વિશે હજુ સુધી માહિતી ઉપલબ્ધ નથી. તેમના નામ હજુ જાહેર કરવામાં આવ્યા નથી.
નાગપુરમાં રવિવારે જ 9 લોકોના દુઃખદ મોત થયા હતા
17 ડિસેમ્બર અકસ્માતોની દૃષ્ટિએ સારો દિવસ નહોતો. રવિવારે સવારે જ નાગપુરની એક વિસ્ફોટક બનાવતી કંપનીમાં મોટો વિસ્ફોટ થયો હતો જેમાં 9 લોકોએ જીવ ગુમાવ્યા હતા. ઘણા કામદારો ગંભીર રીતે ઘાયલ થયા હતા. એજ દિવસે પુણે-નાસિક હાઇવે પર એક ભયાનક માર્ગ અકસ્માતમાં ચાર લોકોના મોત થયા હતા.
