- RCBએ હરાજીમાં યશ દયાલને 5 કરોડમાં ખરીદ્યો
- યશ દયાલ છેલ્લા 2 વર્ષથી IPL રમી રહ્યો છે
- RCBએ કેમેરોન ગ્રીનને 17.5 કરોડમાં ટ્રેડ કર્યો
IPL ઓક્શન 2024એ ઘણા ખેલાડીઓની કિસ્મત બદલી નાખી છે. ઘણા એવા ખેલાડીઓ છે જે એક જ દિવસમાં કરોડપતિ બની ગયા છે. ખેલાડીઓ સિવાય ઘણી ટીમોએ પણ જોરદાર બોલી લગાવી અને ઘણા મોટા ખેલાડીઓને ખરીદ્યા હતા. RCB પાસે આ IPL માટે તમામ ટીમો કરતા વધુ પૈસા હતા. RCB પાસે 41 કરોડ રૂપિયા હતા, તેમ છતાં RCB પોતાની ટીમમાં મોટા ચહેરાઓને સામેલ કરી શક્યું નથી. RCBએ પહેલાથી જ મુંબઈ સાથે કેમેરોન ગ્રીનને તેમની ટીમમાં સામેલ કરવા માટે રૂ. 17.50 કરોડની જંગી કિંમતે ટ્રેડ કર્યો છે. આ પછી પણ જ્યારે હરાજી થઈ ત્યારે RCB કોઈ મોટા ખેલાડીની પાછળ ન દોડ્યું. આવી સ્થિતિમાં મોટો સવાલ એ છે કે શું આ RCB માટે મોંઘુ સાબિત થશે.
ચાહકો કેમેરોન ગ્રીનના ટ્રેડથી નાખુશ
કેમરૂન ગ્રીનને પોતાની ટીમમાં સામેલ કરવાથી RCBના ચાહકો ખુશ ન હતા. પ્રશંસકોએ કહ્યું કે જો અમે 17.5 કરોડ રૂપિયા આપી રહ્યા છીએ, તો અમે એક મોટા ખેલાડીને ખરીદી શકીએ છીએ. ચાહકોનું કહેવું છે કે કેમરૂનનું ન તો બહુ નામ છે અને ન તો તેણે IPLમાં વધારે સારૂ પ્રદર્શન કર્યું છે, છતાં RCBએ 17.50 કરોડ રૂપિયામાં ગ્રીનનો ટ્રે઼ડ કર્યો છે.
અલ્ઝારી જોસેફને 11.50 કરોડમાં ખરીદ્યો
આ પછી RCB પાસે હરાજી માટે 23.5 કરોડ રૂપિયા બચ્યા હતા. અહીં પણ RCB પાસે પોતાની ટીમમાં એક મોટા ચહેરાને સામેલ કરવાની તક હતી, પરંતુ હરાજીમાં RCBએ અલ્ઝારી જોસેફ માટે સૌથી વધુ બોલી લગાવી અને તેને 11.5 કરોડ રૂપિયામાં પોતાની ટીમમાં સામેલ કર્યો. જો કે જોસેફ પણ ખૂબ જ ઈકોનોમી બોલર છે, પરંતુ શું તે નંબર વન બોલર છે જેને સૌથી વધુ કિંમતે ખરીદી શકાય છે?
RCBએ યશ દયાલને 5 કરોડમાં ખરીદ્યો
સોશિયલ મીડિયા પર ફેન્સ આરસીબી દ્વારા પસંદ કરાયેલા ખેલાડીઓથી ખુશ નથી. ચાહકોનું કહેવું છે કે આરસીબીએ પોતાની ટીમમાં કોઈ મોટા ખેલાડીને સામેલ કર્યા નથી. જોસેફ સિવાય RCBએ યશ દયાલને 5 કરોડ રૂપિયામાં ખરીદ્યો છે. યશ દયાલ 2 વર્ષથી IPL રમી રહ્યો છે, તેની પાસે વધુ અનુભવ પણ નથી, તેમ છતાં RCBએ તેને 5 કરોડ રૂપિયા આપીને ખરીદ્યો છે.
