- 22 જાન્યુઆરીના રોજ રામ મંદિરમાં રામલલાની પ્રાણપ્રતિષ્ઠા થશે
- રામ મંદિર નિર્માણ પર ઐતિહાસિક ચુકાદો આપનાર 5 જજોને આમંત્રણ
- 5 સભ્યોની બેન્ચે રામ મંદિરના નિર્માણની તરફેણમાં આપ્યો હતો ચુકાદો
અયોધ્યા રામ મંદિરના અભિષેકની તૈયારીઓ પૂર્ણ થઈ ગઈ છે. આ સમારોહમાં હાજરી આપવા માટે ઘણા લોકોને આમંત્રણ મોકલવામાં આવ્યું છે. જેમાં 2019માં રામ જન્મભૂમિ-બાબરી મસ્જિદ કેસમાં ઐતિહાસિક ચુકાદો આપનાર સુપ્રીમ કોર્ટના જજોને આમંત્રણ આપવામાં આવ્યું છે.
રામ મંદિર નિર્માણ પર ઐતિહાસિક ચુકાદો આપનાર 5 જજોને આમંત્રણ
રામ મંદિર પર ઐતિહાસિક ચુકાદો આપનારા 5 જજો સિવાય, ભૂતપૂર્વ મુખ્ય ન્યાયાધીશો, અને અગ્રણી વકીલો સહિત ન્યાય ક્ષેત્ર સાથે સંકળાયેલી 50થી વધુ હસ્તીઓને 22 જાન્યુઆરી માટે આમંત્રિત કરવામાં આવ્યા છે. તમને જણાવી દઈએ કે 9 નવેમ્બર, 2019 ના રોજ, તત્કાલિન CJI રંજન ગોગોઈ, ભૂતપૂર્વ CJI SA બોબડે, વર્તમાન CJI DY ચંદ્રચુડ અને ભૂતપૂર્વ ન્યાયાધીશ અશોક ભૂષણ અને ન્યાયમૂર્તિ એસ અબ્દુલ નઝીરની બનેલી 5 સભ્યોની બેન્ચે રામ મંદિરના નિર્માણની તરફેણમાં ચુકાદો આપ્યો હતો.
ઐતિહાસિક ચુકાદો આપનાર ન્યાયાધીશ ક્યાં છે?
ભૂતપૂર્વ CJI રંજન ગોગોઈ હાલમાં રાષ્ટ્રપતિ દ્વારા નામાંકિત રાજ્યસભાના સાંસદ છે. જસ્ટિસ એસએ બોબડે 18 નવેમ્બર, 2019 થી 23 એપ્રિલ, 2021 સુધી ભારતના 47મા મુખ્ય ન્યાયાધીશ હતા. જસ્ટિસ ડીવાય ચંદ્રચુડ હાલમાં ભારતના મુખ્ય ન્યાયાધીશ છે. જસ્ટિસ અશોક ભૂષણ જુલાઈ 2021માં સુપ્રીમ કોર્ટના જજ તરીકે નિવૃત્ત થયા હતા. જસ્ટિસ એસ અબ્દુલ નઝીર હાલમાં આંધ્ર પ્રદેશના રાજ્યપાલ છે.
