- આઈસરનાં કેબિનમાં આગ લાગવાથી બ્લાસ્ટ થયો
- બાટલા 40 ફૂટ સુધી ઊછળ્યા, આઈસર આગમાં ખાખ થઈ ગયું
- એક કી.મી. સુધીની કંપનીઓનાં પતરાઓ ઝણઝણી ઉઠયા
બાવળા નજીક નેશનલ હાઈવે પર સાણંદ તાલુકાનાં સરી ગામનાં પાટીયા પાસે સોમવાર સાંજે 4-00 વાગ્યા આસપાસ ઓક્સીજન સીલીન્ડર ભરીને જતી આઈસરમાં અચાનક જ બ્લાસ્ટ થઈ આગ ભભુકી હતી જેને લઈને અંદર ભરેલ ઓક્સીજનની બોટલો 40 ફૂટ સુધી ઉછળી હતી. બ્લાસ્ટ એટલો ખતરનાક હતો કે એક કી.મી. સુધીની કંપનીઓનાં પતરાઓ ઝણઝણી ઉઠયા હતા. બ્લાસ્ટ થવાથી અંદર બેઠેલા બે મજુરોના મૃત્યુ થયાં હતા અને ડ્રાઈવરને ઈજાઓ થવા પામી હતી.પાછળ બાઈક લઈને આવતા 4 ઈસમોને પણ પતરાઓ વાગવાથી ઈજાઓ થવા પામી હતી બનાવને પગલે ચાંગોદર પી.આઈ. આર.ડી.ગોઝીયા તેમજ સ્ટાફ તુરંત જ ઘટના સ્થળે દોડી આવ્યો હતો તેમણે ફાયર ફાઈટરો બોલાવી આગ પર કાબૂ મેળવાયો હતો તેમજ ટ્રાફીક નિયમનની કામગીરી હાથ ધરી હતી. ઘટનાની જાણ થતાં ડી.વાય.એસ.પી તેમજ એસ.પી ઘટના સ્થળે દોડી આવ્યા હતા અને ઘટનાનું નિરીક્ષણ કરી એફ.એસ.એલ.ટીમને બોલાવી કામે લગાડી હતી.
સુત્રો પાસે થી મળતી માહીતી અનુસાર વટવા જી.આઈ.ડી.સીમા આવેલ એવરેસ્ટ ગેંસ કંપનીની આઈસર ઓક્સીજનનાં નાના-મોટા 49 બોટલ ભરીને બાવળા જી.આઈ.ડી.સીમાં આવેલ કંપનીમાં ડીલીવરી માટે નિકળી હતી જેમાં સાંજે 4-00 વાગ્યાનાં સુમારે સરી ગામનાં પાટીયે મેલડી માતાનાં મદિર પાસે કોઈ અમગ્ય કારણો સર આગ ભભુકી હતી જેને કારણે તેમાં બ્લાસ્ટ થયો હતો અને તેમાં રહેલી બેટલો 40 ફૂટ સુધી ઉછળી હતી જેને કારણે તેની કેબીનમાં બેઠેલ 2 મજુરોનાં મોત નિપજ્યા હતા અને ડ્રાઈવર ઈજા ગ્રસ્ત થયો હતો. જેને સારવાર અર્થે બાવળાની ખાનગી હોસ્પીટલમાં દાખલ કરાયો હતો. બ્લાસ્ટને લીધે પાછળ બાઈક લઈને આવતા મટોડાનાં 4 ઈસમોને આઈસરનાં પતરા વાગવાથી ઈજાઓ થવા પામી હતી જેમને સહયોગ હોસ્પીટલ ખાતે સારવાર અર્થે ખસેડાયા હતા.
