- વધુને વધુ ભીષણ બનતું જઈ રહ્યું છે ઇઝરાયલ હમાસ યુદ્ધ
- ઇઝરાયલી કમાન્ડો વેસ્ટ બેંકના ઇબ્ન સિના હોસ્પિટલમાં ઘુસ્યા
- આતંકવાદી ઘટનાનું કાવતરું ઘડતા ત્રણ શખ્સોને ઠાર માર્યા
ગાઝામાં ચાલી રહેલ ઇઝરાયલ હમાસ વચ્ચેનું યુદ્ધ દિવસેને દિવસે વધુને વધુ ભીષણ બનતું જઈ રહ્યું છે. લેટેસ્ટ અપડેટમાં સામે આવ્યું છે કે ઇઝરાયલના સૈનિકોએ વેસ્ટ બેંક હોસ્પિટલમાં ઘૂસી જઈને ત્રણ લોકોને ઠાર માર્યા છે. ઇઝરાયલી સૈનિકોનું કહેવું છે કે આ લોકો આતંકવાદી હુમલાનું પ્લાનિંગ કરી રહ્યા હતા.
એક રિપોર્ટ મુજબ, ઇઝયારલી કમાન્ડોએ કબજા વાળ વેસ્ટ બેંકમાં જેનિનના ઇબ્ન સિના હોસ્પિટલમાં ત્રણ લોકોને એમ કહેતા ઠાર માર્યા હતા કે તેઓ આતંકવાદી હુમલો કરવાની યોજના બનાવી રહ્યા હતા. આ કમાન્ડો મેડિકલ સ્ટાફ અને નાગરિકોના વેશમાં હોસ્પિટલમાં દાખલ થયા હતા.
પોલીસ અને સેનાનું કહેવું છે કે ઠાર મારવામાં આવેલ લોકોમાંથી બે લોકો તાજેતરની હિંસક ઘટનાઓમાં સામેલ હતા. તો, આ મામલે હમાસનું કહેવું છે કે હોસ્પિટલમાં હત્યાઓ, ગાઝાથી જેનિન સુધી અમારા લોકો વિરુદ્ધ કબજો કરવાના અપરાધો સતત થઈ રહ્યા છે.
સામે આવ્યા CCTV ફૂટેજ
ઓનલાઈન સીસીટીવી પ્રસારણમાં લગભગ એક ડઝન ગુપ્ત સૈનિકો જોઈ શકાય છે જેમાં ત્રણ સૈનિકો મહિલાઓના પોશાકમાં છે જ્યારે બે સૈનિકો મેડિકલ સ્ટાફના પોશાક પહેરેલા છે અને આ લોકો જેનિનની ઈબ્ન સિના હોસ્પિટલના કોરિડોરમાંથી રાઈફલ્સ સાથે પસાર થઈ રહ્યા છે. જોકે, હજુ આ ફૂટેજની પુષ્ટિ થવાની બાકી છે.
ઇઝરાયલની સીમા પોલીસનું કહેવું છે કે ફોર્સનું અંડરકવર યુનિટના એક ઓપરેશનમાં ત્રણ પેલેસ્ટિનિયન હથિયારધારી ઠાર મારવામાં આવ્યા છે. સેનાએ તેમાંથી એકની ઓળખ હમાસના મેમ્બર તરીકે કરી છે. જેના વિશે એવું કહેવામાં આવ્યું હતું કે, 7 ઓક્ટોબરના હત્યાકાંડથી પ્રેરિત હુમલાનું આયોજન કરવામાં આવ્યું હતું.
હમાસે 7 ઓક્ટોબરે દક્ષિણ ઇઝરાયેલમાં એક હુમલો કર્યો હતો. ત્યારબાદ, ઈઝરાયેલે જવાબી કાર્યવાહી કરી અને હમાસ પર હુમલો કરવાનું શરૂ કર્યું. ત્યારબાદ, વેસ્ટ બેંકમાં હિંસા વધી ગઈ હતી જે હજુ પણ ચાલુ છે.
