- પ્રેમમાં ભાન ભૂલી પોતાનું સર્વસ્વ યુવકને સોંપી દેવું યુવતીને ભારે પડયું
- એક સહભ્યાસુ વિદ્યાર્થી સાથે આંખો મળી જતા પ્રેમ પાંગર્યો હતો
- બન્ને એક જ ગામમાં રહેતા હોઈ બાળપણના પ્રેમનો ઢંઢેરો
કહેવાયું છે ને કે પ્રેમની કોઈ ઉંમર કે કોઈ સીમા નથી હોતી ત્યારે મહેસાણા જિલ્લાના એક ગ્રામ્ય વિસ્તારમાં રહેતી યુવતીને કઈક આવી જ પ્રેમ કહાની સામે આવી હતી.વિદ્યાર્થી અવસ્થામાં સ્કૂલે સાથે ભણતા પોતાના ગામના જ એક સહભ્યાસુ વિદ્યાર્થી સાથે આંખો મળી જતા પ્રેમ પાંગર્યો હતો.ભણતા ભણતા બન્ને પ્રેમી પંખીડા પ્રેમના તાંતણે બંધાયા હતા.અભ્યાસ બાદ યુવક મિકેનિકનું કામ કરવા લાગ્યો હતો અને યુવતી પોતાના પિતાના ઘરે રહેતી હતી.બન્ને એક જ ગામમાં રહેતા હોઈ બાળપણના પ્રેમનો ઢંઢેરો ગામ આખામાં પીટાઈ ગયો હતો.
યુવતીના પરિવારે પોતાની આબરૂ બચાવવા યુવતીને સમજાવી યુવક સાથેના સંબંધો ટોળાવી પાડયા હતા. યુવતી પ્રેમ સંબંધ તોડી દેતા યુવક તેના પર ગુસ્સે ભરાયો હતો અને જ્યારે પણ યુવતી ગામમાં જાય ત્યારે તેને અપશબ્દો બોલી પરેશાન કરતો હતો. અંગત પળોના ફેટા વીડિયો વાઇરલ કરવાની અને ઉપાડી જવાની ધમકીઓ આપતો હતો. જે બાબતે યુવક અને યુવતીના પરિવારો વચ્ચે પણ તકરાર સર્જાઈ હતી. જેમાં પોલીસ ફ્રિયાદ અંતે સમાધાન કરાયું હતું.
યુવક યુવતીના પ્રેમ સંબંધો તૂટયા બાદ સર્જાયેલ તકરારના સમાધાન બાદ પણ યુવકએ સોશિયલ મીડિયામાં ફેક આઇડી બનાવી યુવતી સાથેની અંગત પળોના ફેટા વીડિયો વાઇરલ કર્યા હતા. જે વાઇરલ પોસ્ટ વાયુ વેગે યુવતીના પરિવાર અને સમાજમાં ફ્રતી થતા યુવતીએ મહેસાણા મહિલા સહાયતા કેન્દ્રનો સંપર્ક સાધ્યો હતો. જ્યાં પોલીસ સ્ટેશન બેઇઝડ સ્પોર્ટ સેન્ટરના કાઉન્સેલર નીલમ પટેલ દ્વારા યુવતીની રજુઆત આધારે યુવકને મહિલા સહાયતા કેન્દ્રમાં બોલાવી કાઉન્સેલિંગ કરવામાં આવ્યું હતું.
યુવતી યુવક સાથે સંબંધો રાખવા ન માંગતી હોવા છતાં યુવક તેને હેરાન કરતો હોઈ અને યુવતીના ફેટા વીડિયો સોશિયલ મીડિયામાં વાઇરલ કરી બદનામ કરતો હોઈ તેને કાયદાકિત સમજણ આપી તેની કરતુતની ગંભીર અસરો સમજાવવામાં આવી હતી. જે બાદ યુવકની અક્કલ ઠેકાણે આવતા તેની પાસે રહેલ તમામ ફેટા અને વીડિયો ડીલીટ કરાવવામાં આવ્યા હતા. યુવકે પોતે ફ્રી યુવતીનો સંપર્ક નહિ કરવા તેને પરેશાન નહિ કરવા બાંહેધરી આપી હતી. આમ પ્રેમ સંબંધમાં વિપરીત પરિણામો મળતા ભય અને તકલીફેમાં મુકાયેલ એક યુવતીની સમસ્યાનું મહિલા સહાયતા કેન્દ્ર દ્વારા સફ્ળતા પૂર્વક સમાધાન કરાવવામાં આવ્યું હતું.
વિદ્યાર્થી અવસ્થામાં પ્રેમના તાંતણે બંધાયેલ બે પ્રેમી પંખીડાએ પ્રેમની તમામ હદ વટાવી દીધી
વિદ્યાર્થી અવસ્થામાં જ પ્રેમના તાંતણે બંધાયેલ પ્રેમી પંખીડાઓએ ભવિષ્યનું કઈ પણ વિચાર્યા વગર એક બીજા પર વિશ્વાસ મૂકી દીધો હતો. યુવકે યુવતીને નાની મોટી ચીજવસ્તુઓ લાવી આપવા પાછળ અઢળક ખર્ચો કર્યો હતો. ત્યાં યુવતીએ પણ યુવકની તમામ ઈચ્છાઓ પૂરી કરવા તેના પર અંધળો વિશ્વાસ મૂકી પોતાનું સર્વસ્વ લૂંટાવી દીધું હતું. આમ પ્રેમમાં પ્રેમી યુગલે પોતાની તમામ હદો વટાવી દીધી હતી.
તૂટેલા પ્રેમને પામવા યુવકે યુવતીને ડરાવી ધમકાવી ઉપાડી જવાની ધમકીઓ આપી હતી
જે બાદ યુવક પોતાનો તૂટેલો પ્રેમ પામવા યુવતી જ્યારે પણ ગામમાંથી પસાર થતી ત્યારે તેને અપશબ્દો બોલી બન્નેની અંગત પળોના વીડિયો અને ફેટા વાઇરલ કરવાની ધમકીઓ આપતો હતો. અને જો સંબંધ નહિ રાખે તો તેને ઉપાડી જવાની ધમકીઓ આપતો હતો. જેથી યુવક સાથે પ્રેમ કરી પછતાવો અનુભવતી યુવતી યુવક થી પરેશાન બનતા તેના પરિવારને વાત કરતા યુવક અને યુવતીના પરિવાર વચ્ચે તકરાર સર્જાઈ હતી.જે મામલે બન્ને પક્ષે પોલીસ ફ્રિયાદ થયા બાદ તે મામલે સમાધાન કરવામાં આવ્યું હતું.
