- ભારતીયોને લઈને અમેરિકન સરકારનો મહત્વનો નિર્ણય
- H-1B વિઝા ધારકોના પાર્ટનર્સને મળશે કામ કરવાનો અધિકાર
- H-1B વિઝા ધારકોના પાર્ટનર્સ અને બાળકોને H-4 વિઝા અપાશે
અમેરિકન સરકારે ભારતીયોને લઈને વધુ એક મોટો નિર્ણય લીધો છે. અમેરિકાએ H-1B વિઝા ધારકોને મોટી રાહત આપતો મહત્વનો પ્રસ્તાવ રજૂ કર્યો છે. આ કરાર હેઠળ H-1B વિઝા ધારકોના પાર્ટનર્સ અને બાળકોને અમેરિકામાં કામ કરવાનો અધિકાર મળશે.
વાસ્તવમાં, H-1B વિઝાધારકોના પાર્ટનર્સ અને બાળકોને H-4 વિઝા આપવામાં આવે છે. એવું માનવામાં આવે છે કે આ શ્રેણીમાં એક લાખ H-4 વિઝા ધારકો છે, જેમને આ કરારથી લાભ થવાની અપેક્ષા છે.
યુએસ સેનેટમાં રિપબ્લિકન અને ડેમોક્રેટિક નેતૃત્વ વચ્ચે લાંબી વાટાઘાટો બાદ રવિવારે ‘રાષ્ટ્રીય સુરક્ષા કરાર’ રજૂ કરવામાં આવ્યો હતો. અમેરિકન સરકારનો આ નિર્ણય એવા હજારો ભારતીય ટેક પ્રોફેશનલ્સ માટે રાહતના સમાચાર છે જેઓ ગ્રીન કાર્ડ મેળવવા માટે લાંબા સમયથી રાહ જોઈ રહ્યા છે. ગ્રીન કાર્ડ ન મળવાને કારણે H-1B વિઝા ધારકોના પાર્ટનર્સ અમેરિકામાં કામ કરી શકતા નથી અને તેમના બાળકોને દેશનિકાલનું જોખમ રહે છે.
જણાવી દઈએ કે અમેરિકામાં ગ્રીન કાર્ડને સત્તાવાર રીતે પરમેનન્ટ રેસિડેન્સ કાર્ડ તરીકે ઓળખવામાં આવે છે. આ અમેરિકામાં ઇમિગ્રન્ટ્સને જાહેર કરાયેલ એક દસ્તાવેજ છે, જે હેઠળ વિઝા ધારકને કાયમી ધોરણે રહેવાનો અધિકાર આપવામાં આવે છે. ગ્રીન કાર્ડ ઇસ્યુ કરવા માટે દેશ દીઠ એક નિશ્ચિત મર્યાદા છે.
આ પગલા પર રાષ્ટ્રપતિ જો બાઈડેને કહ્યું કે ઈમિગ્રેશન સિસ્ટમ ઘણા લાંબા સમયથી અને દાયકાઓથી તૂટી ગઈ છે. આપણા દેશના મૂલ્યોનું જતન કરવાથી દેશ સુરક્ષિત રહેશે, આપણી સરહદો સુરક્ષિત રહેશે, લોકો સાથે ન્યાયી વ્યવહાર થશે.
