- અધિકારીને ધ્યાને આવતા કાર્યવાહી કરવામાં આવી છે
- રજા લેવા માટે સગાઇનું ખોટું આમંત્રણ કાર્ડ બનાવ્યું હતું
- તાલિમી PSI સામે ડભોડા પોલીસ મથકમાં ફરિયાદ
ખોટી રીતે રજા લેતા તાલિમી PSI સસ્પેન્ડ કરવામાં આવ્યા છે. જેમાં રજા માટે ખોટી આમંત્રણ પત્રિકા બનાવી હતી. તેથી તાલિમી PSIને સસ્પેન્ડ કરવામાં આવ્યો છે. રજા લેવા માટે સગાઇનું ખોટું આમંત્રણ કાર્ડ બનાવ્યું હતું. તેમજ તાલિમી PSI સામે ડભોડા પોલીસ મથકમાં ફરિયાદ કરી છે.
અધિકારીને ધ્યાને આવતા કાર્યવાહી કરવામાં આવી છે
અધિકારીને ધ્યાને આવતા કાર્યવાહી કરવામાં આવી છે. રજા માટે ખોટી આમંત્રણ પત્રિકા બનાવવી ટ્રેઈની પીએસઆઈને ભારે પડી છે. નકલી આમંત્રણ પત્રિકા મામલે ટ્રેઈની પીએસઆઈ સામે ડભોડા પોલીસ મથકમાં ફરિયાદ થઇ છે. તેમાં ટ્રેઈની પીએસઆઈને સસ્પેન્ડ કરવામાં આવ્યો છે. રજા મેળવવા સગાઈનું ખોટું આમંત્રણ કાર્ડ બનાવતા કાર્યવાહી થઇ છે. અધિકારીના ધ્યાને આવતા કાર્યવાહી કરાઈ છે.
સમગ્ર મામલે ડભોડા પોલીસ મથકમાં ફરિયાદ નોંધાવી
પોલીસ તાલીમ એકેડેમીનાં ઇન્સ્પેકટર એચ.બી.વાઘેલાએ સમગ્ર મામલે ડભોડા પોલીસ મથકમાં ફરિયાદ નોંધાવી છે. જેમાં ઉલ્લેખ કર્યો છે કે જાન્યુઆરી-2023 થી બિનહથિયારી પીએસઆઇ તરીકે ટ્રેનિંગ લેતાં મુન્નાભાઇ હમીરભાઇ આલ (ઉ.વ.29, મુળ રહે. ગામ-સાંગરા તા. પાલનપુર) દ્વારા અત્રેની કચેરીના આસીસ્ટન્ટ ડાયરેક્ટર ઈન્ડોરની વહીવટી શાખામાં દિન- 2 નો પરચુરણ રજાનો રિપોર્ટ રજૂ કર્યો હતો. જેમાં 1/12/2023 નાં રોજ પોતાની સગાઈ હોવાથી રીત રિવાજ પ્રમાણે પોતાના ગામમાં ભોજન સમારંભ બીજા દિવસે રાખ્યો હોવાનો ઉલ્લેખ કરી આમંત્રણ પત્રિકા પણ રજૂ કરાઈ હતી. જેનાં આધારે તેની રજા પણ મંજૂર થઈ ગઈ હતી.
આમંત્રણ પત્રિકામાં સગાઈ વાળી યુવતીનું માત્ર નામ લખેલુ હતું
ઉલ્લેખનીય છે કે આમંત્રણ પત્રિકામાં સગાઈ વાળી યુવતીનું માત્ર નામ લખેલુ હતું. પરંતુ તેણીના માતા પિતાનું નામ કે સરનામાનો ઉલ્લેખ નહીં હોવાથી પ્રથમ દૃષ્ટિએ ઉપરી અધિકારીને અંદાજો આવી ગયો હતો. અને શંકાસ્પદ આમંત્રણ પત્રિકાની તપાસ ઈન્સ્પેક્ટર વાઘેલાને સોપવામાં આવી હતી. જે અંગે તપાસ તાલીમી પીએસઆઇનાં ગામમાં જઈને તપાસ કરવામાં આવી હતી. ત્યારે પાડોશીઓએ મુન્નાભાઈ આલનાં ઘરે ઉપરોક્ત તારીખો કે છેલ્લા છ માસમાં ક્યારેય કોઈ પ્રસંગ યોજાયો નહીં હોવાનું નિવેદનો આપ્યા હતા. જેમાં આ કાર્ડ ખોટુ હોવાનું ધ્યાને આવ્યુ હતુ. તેથી કાયદેસરની કાર્યવાહી કરી તાલિમી PSIને સસ્પેન્ડ કરવામાં આવ્યો છે.
