- એલોન મસ્કની સોશિયલ મીડિયા કંપની X (ટ્વિટર ) આકરા પાણીએ
- ખેડૂતોના આંદોલન સાથે સંબંધિત ઘણા એકાઉન્ટ અને સંબંધિત ફેન પેજ કર્યા બંઘ
- સસ્પેન્ડ કરાયેલા ખાતાઓમાં ઘણા અગ્રણી ખેડૂત નેતાઓ અને તેમના સમર્થકોના ખાતા પણ સામેલ છે
X (ટ્વિટર ) એ અસંમતિ વ્યક્ત કરીને કેન્દ્ર સરકારના આદેશનું પાલન કર્યું,X(ટ્વિટર ) એ ખેડૂતોના વિરોધને લગતા એકાઉન્ટ અને પોસ્ટ સ્થગિત કરવાના ભારત સરકારના આદેશોને સ્વીકાર્યા, પરંતુ આ પગલું ભરવામાં પણ અસહમતિ વ્યક્ત કરી.X(ટ્વિટર )એ કહ્યું કે, તેમણે સરકારના નિર્દેશોને અનુસરીને કાર્યવાહી કરી છે, અને આ કાર્યવાહી અંગે યુઝર્સને પણ જાણ કરી છે.જો કે, અભિવ્યક્તિની સ્વતંત્રતાને ટાંકીને, એલોન મસ્કની કંપનીએ સ્પષ્ટ કર્યું છે, કે “કેન્દ્ર સરકારના આદેશને અનુસરીને, કંપની ફક્ત ભારતમાં જ આ એકાઉન્ટસ અને પોસ્ટને બ્લોક કરશે. જો કે, અમે આ ક્રિયાઓ સાથે અસંમત છીએ, અને માનીએ છીએ કે, અભિવ્યક્તિની સ્વતંત્રતા આ પોસ્ટ સુધી પણ લંબાવવી જોઈએ.”
ગૃહ મંત્રાલયની વિનંતી પર ITI મંત્રાલયે આદેશ જારી કર્યો હતો
ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયે ગૃહ મંત્રાલયની વિનંતી પર આઈટી એક્ટની કલમ 69A હેઠળ 14 અને 19 ફેબ્રુઆરીએ આદેશ જારી કર્યા હતા. ગૃહ મંત્રાલયની વિનંતી પર, કાયદો અને વ્યવસ્થા જાળવવા માટે 177 સોશિયલ મીડિયા એકાઉન્ટ્સ અને વેબ લિંક્સને અસ્થાયી રૂપે બંધ કરવાના આદેશો જારી કરવામાં આવ્યા હતા. કેન્દ્ર સરકાર દ્વારા ફેસબુક, ઇન્સ્ટાગ્રામ, ટ્વિટર, સ્નેપચેટ અને અન્ય કેટલાક સોશિયલ મીડિયા પ્લેટફોર્મના એકાઉન્ટ અને લિંક્સને બ્લોક કરવાનો આદેશ જારી કરવામાં આવ્યો હતો.
ખેડૂતોના વિરોધનો અંત ન આવે ત્યાં સુધી જ ખાતા બંધ કરવાનો આદેશ
14 અને 19 ફેબ્રુઆરીના રોજ જારી કરાયેલા બંને બ્લોકીંગ ઓર્ડર શરતો સાથે છે અને ખેડૂત વિરોધના સમયગાળા માટે જારી કરવામાં આવ્યા છે. આ પછી, સોશિયલ મીડિયા કંપનીઓ આ એકાઉન્ટ અને ચેનલોને પુનઃસ્થાપિત કરી શકે છે. તેથી, એવું માની શકાય છે, કે ખેડૂતોના આંદોલનના અંત પછી, આ ખાતાઓ પુનઃસ્થાપિત થવાની અપેક્ષા છે.
ખેડૂતોના આંદોલનનો આજે 10મો દિવસ છે
દેશમાં ખેડૂત આંદોલનો અને વિરોધ ચાલી રહ્યા છે. ખેડૂતોનો વિરોધ 13 ફેબ્રુઆરીથી શરૂ થયો હતો અને પંજાબ-હરિયાણા બોર્ડર પર ખેડૂતોના વિરોધનો આજે 10મો દિવસ છે. MSPની ગેરંટી અંગે દેશભરમાં ખેડૂતો વિરોધ કરી રહ્યા છે અને ખેડૂત સંગઠનો અને સરકારો વચ્ચે અનેક તબક્કાની વાતચીત ચાલી રહી છે.
