જમુઇ કે હાજીપુર ? ચિરાગ પાસવાન આ બેઠક પર લડશે ચૂંટણી

• બિહારમાં સીટ વહેંચણી પર સમજૂતી
  
• ચિરાગ પાસવાન RLSPની 5 સીટો
  
• હું કઇ સીટ પર ચૂંટણી લડીશ તે નિર્ણય પાર્ટીનો- ચિરાગ
  

બિહારમાં NDA અને તેના ઘટક પક્ષો વચ્ચે સીટની વહેંચણી પર સમજૂતી થઈ છે. બીજેપીના મહાસચિવ અને બિહારના પ્રભારી વિનોદ તાવડે, નાયબ મુખ્યમંત્રી સમ્રાટ ચૌધરી સાથે જેડીયુના સંજય ઝા અને એલજેપી (આર)ના રાજુ તિવારી બેઠકોની વહેંચણીની જાહેરાત કરી હતી. ત્યારે ચિરાગ પાસવાન કઇ બેઠક પર ચૂંટણી લડશે તે વિશે જાણીએ.

પાસવાનની પાર્ટીને મળી 5 સીટ

રાજ્યમાં ભાજપ 17 બેઠકો પર ચૂંટણી લડશે જ્યારે નીતિશ કુમારની આગેવાની હેઠળની JDU 16 બેઠકો પર ચૂંટણી લડશે. ચિરાગ પાસવાન RLSP 5 સીટો પર પોતાના ઉમેદવારો ઉભા કરશે. ઉપેન્દ્ર કુશવાહાની પાર્ટી RLJD એક સીટ પર અને પૂર્વ સીએમ જીતન રામ માંઝીની HAM પાર્ટી એક સીટ પર ચૂંટણી લડશે.

કઇ બેઠક પરથી લડશે ચિરાગ પાસવાન ?

બેઠકોની જાહેરાત બાદ ચિરાગ પાસવાને કહ્યું કે આ ગઠબંધનને મજબૂતી મળી છે. હવે આ નવા ગઠબંધનના સ્વરૂપ સાથે વિશ્વાસ વધ્યો છે. 2019માં એક સીટથી રહી ગયા હતા પરંતુ આ વખતે 40 સીટ જીતીને પીએમ મોદીને પીએમ પદ પર બેસાડવા પ્રતિબદ્ધ છે. તેમણે કહ્યું જમુઇ, હાજીપુર ,સમસ્તિપુર, વૈશાલી, ખગડીયા આ પાંચ બેઠકો મળી છે. સાથે જ તેમણે કહ્યું કે પાર્ટીનો નિર્ણય અંતિમ રહેશે. મને નથી લાગતુ કે બે બેઠક પર હું ચૂંટણી લડુ. પરંતુ મને મળતી જાણકારી મુજબ હાજીપુર બેઠક પરથી હું ચૂંટણી લડીશ.