- વર્ષ 2003માં અમેરિકામાં કર્યો હતો ગેરકાયદેસર પ્રવેશ
- અમેરિકાના એટલાન્ટા શહેરમાં ભારતીય જસપાલ સિંહનું મોત
- ભારતીય વાણિજ્ય દૂતાવાસને જસપાલના મોતની માહિતી અપાઈ
ગેરકાયદેસર રીતે અમેરિકા આવેલા ભારતીય નાગરિકનું એટલાન્ટામાં મોત થયું છે. ફેડરલ અધિકારીઓએ જણાવ્યું હતું કે મૃતકને ભારત પ્રત્યાર્પણ કરવામાં આવશે. મૃતકની ઓળખ 57 વર્ષીય જસપાલ સિંહ તરીકે થઈ છે. યુએસ ઈમિગ્રેશન એન્ડ કસ્ટમ્સ એન્ફોર્સમેન્ટ (ICE) વિભાગના જણાવ્યા અનુસાર, ન્યૂયોર્કમાં ભારતીય વાણિજ્ય દૂતાવાસને જસપાલ સિંહના મૃત્યુની માહિતી આપવામાં આવી છે. આ સાથે મૃતકના પરિવારજનોને પણ જાણ કરી દેવામાં આવી છે.
એટલાન્ટાની હોસ્પિટલમાં થયું મોત
ICEએ જણાવ્યું છે કે ભારતીય નાગરિક જસપાલ સિંહનું મોત 15 એપ્રિલના રોજ એટલાન્ટાની હોસ્પિટલમાં થયું હતું. મૃતક જસપાલ સિંહ 25 ઓકટોબર 1992માં પહેલીવાર કાયદેસર રીતે અમેરિકા ગયો હતો. 21 જાન્યુઆરી 1998ના રોજ એક ઇમિગ્રેશન જજે સિંહને અમેરિકા છોડી દેવ માટે આદેશ આપ્યો હતો, ત્યારબાદ તે ભારત પરત આવી ગયો હતો.
ICEએ જણાવ્યું કે જસપાલ સિંહનું 15 એપ્રિલે એટલાન્ટાની હોસ્પિટલમાં અવસાન થયું હતું. મૃતક જસપાલ સિંહ 25 ઓક્ટોબર 1992ના રોજ પહેલીવાર અમેરિકામાં કાયદેસર રીતે પ્રવેશ્યા હતા. 21 જાન્યુઆરી, 1998ના રોજ, એક ઇમિગ્રેશન જજે સિંહને યુનાઇટેડ સ્ટેટ્સ છોડવાનો આદેશ આપ્યો, ત્યારબાદ તેઓ ભારત પાછા ફર્યા.
ગેરકાયદેસર અમેરિકામાં ઘૂસવાના કેસમાં થઈ હતી ધરપકડ
જસપાલ સિંહે 29 જૂન, 2003ના રોજ ગેરકાયદેસર રીતે અમેરિકામાં પ્રવેશવાનો પ્રયાસ કર્યો હતો, પરંતુ યુએસ-મેક્સિકો બોર્ડર પર અધિકારીઓએ તેને ઝડપી પાડ્યો હતો. અમેરિકામાં ગેરકાયદેસર પ્રવેશ કરવા બદલ તેની ધરપકડ કરવામાં આવી હતી. તેની ધરપકડ બાદ તેને એટલાન્ટાના એન્ફોર્સમેન્ટ એન્ડ રિમૂવલ ઓપરેશન્સ (ERO)ને સોંપી દેવામાં આવ્યો હતો. તેને એટલાન્ટાના ડિટેન્શન સેન્ટરમાં રાખવામાં આવ્યો હતો.
જણાવી દઈએ કે જ્યારે અમેરિકામાં કોઈ વ્યક્તિનું ડિટેન્શન સેન્ટરમાં મોત થાય છે અને તે અમેરિકન નાગરિક ન હોય તો તેની માહિતી સંસદ, બિન-સરકારી સંગઠનો, મીડિયાને બે દિવસની અંદર આપવામાં આવે છે. આ ઉપરાંત પોતાની વેબસાઇટમાં મૃતક વ્યક્તિને લગતા વિવરણ પણ શેર કરવામાં આવે છે.
