- ભારત જ નહિ પાડોશી દેશ પાકિસ્તાનમાં પણ ભીષણ ગરમી પડી રહી છે
- પાડોશી દેશ પાકિસ્તાનમાં ગરમીનો પારો તેના રેકોર્ડ સ્તરે
- પાકિસ્તાનના ઘણા સ્થળો પર તાપમાન 50 ડિગ્રીને પાર પહોંચ્યું
અત્યારે ભારતના ઘણા ભાગોમાં કાળઝાળ ગરમી અને ગરમીના મોજાના કારણે લોકો તોબા પોકારી ઉઠયા છે. પાડોશી દેશ પાકિસ્તાનમાં પણ ગરમીના કારણે ખરાબ હાલતમાં છે. કેટલીક જગ્યાએ તાપમાન 52 ડિગ્રીને પાર કરી ગયું છે. પાકિસ્તાનના દક્ષિણ પ્રાંત સિંધમાં તાપમાન 52 ડિગ્રી સેલ્સિયસ (125.6 ડિગ્રી ફેરનહીટ)થી ઉપર પહોંચી ગયું છે. આ પારાને ઉનાળાનું સૌથી વધુ તાપમાન ગણવામાં આવે છે.
પાકિસ્તાનના અનેક વિસ્તારોમાં ચાલી રહેલી ગરમીની લહેર વચ્ચે તાપમાન તેના સર્વોચ્ચ રેકોર્ડ પર છે. હવામાન કચેરીએ સોમવારે આ માહિતી આપી હતી. પાકિસ્તાનના હવામાન વિભાગના વરિષ્ઠ અધિકારીના જણાવ્યા અનુસાર, સિંધના એક શહેર મોહેંજો ડેરો (જે 2500 બીસીમાં બનેલ સિંધુ ખીણની સંસ્કૃતિના પુરાતત્વીય સ્થળો માટે જાણીતું છે)માં છેલ્લા 24 કલાકમાં તાપમાન વધીને 52.2 સે (126 એફ) થયું છે. છે. ત્યાંના એક નાગરિકે આ વાતની જાણકારી આપી હતી.
મોહેંજો ડેરો, પાકિસ્તાનનું એક નાનું શહેર
તમને જણાવી દઈએ કે મોહેંજો ડેરો એક નાનું શહેર છે જ્યાં ખૂબ જ ગરમ ઉનાળો અને હળવો શિયાળો અને ઓછો વરસાદ હોય છે. શહેરના મર્યાદિત માર્કેટમાં બેકરીઓ, ચાની દુકાનો, મિકેનિક્સ, ઈલેક્ટ્રોનિક રિપેરિંગની દુકાનો અને ફળ અને શાકભાજીના વિક્રેતાઓનો સમાવેશ થાય છે. સામાન્ય રીતે આ શહેર ગ્રાહકોથી ધમધમતું હોય છે.
લોકો હોટેલ કે અન્ય જતા નથી
મોહેંજો ડેરો શહેરમાં હાલની ગરમીના કારણે દુકાનો પર ગ્રાહકોની સંખ્યા નહિવત છે. ચાની દુકાન ચલાવતા વ્યકિતના જણાવ્યા પ્રમાણે ભારે ગરમીને કારણે ગ્રાહકો રેસ્ટોરન્ટમાં આવતા નથી. હું આ ટેબલો અને ખુરશીઓ સાથેની રેસ્ટોરન્ટમાં કોઈ ગ્રાહક વગર બેઠો છું. ગરમીને કારણે હું દિવસમાં ઘણી વખત સ્નાન કરું છું, જેનાથી મને થોડી રાહત મળે
