- હમાસ અને ઈઝરાયલ વચ્ચે ભીષણ યુદ્ધને આજે આઠ મહિના પૂર્ણ થયા
- ગત સાત ઑક્ટોબરે હમાસે ઈઝરાયલમાં સેંકડો નિર્દોષ નાગરિકોને મોતને ઘાટ ઉતાર્યા હતા
- યુનોના યુદ્ધવિરામની માંગ છતાં ઈઝરાયલ દ્વારા ભીષણ હુમલો
મધ્ય ગાઝામાં નુસરત શરણાર્થી શિબિર પર ઇઝરાયેલના હવાઈ હુમલામાં 94 પેલેસ્ટિનિયન માર્યા ગયા અને 200થી વધુ ઘાયલ થયા. મળતી અનુસાર, નુસરત કેમ્પમાં ઈઝરાયેલના નરસંહારને કારણે લગભગ 94 લોકોનાં મોત થયા છે અને 200થી વધુ ઘાયલોને અલ-અક્સા હોસ્પિટલમાં લાવવામાં આવ્યા છે. અલ-અક્સા હોસ્પિટલના સતત સંચાલનને સુપેરે ચલાવવા માટે તબીબી જરૂરિયાતો અને જનરેટર સપ્લાય કરવા આંતરરાષ્ટ્રીય સમુદાય અને આંતરરાષ્ટ્રીય સંસ્થાઓને તાત્કાલિક અપીલ કરવામાં આવી છે. અલ-અક્સા હોસ્પિટલ ઇઝરાયેલના બોમ્બમારાને કારણે શહીદ અને ઘાયલોની સંખ્યાને સમાવવામાં અસમર્થ છે.
સાક્ષીઓએ જણાવ્યું હતું કે ઈઝરાયેલી આર્ટિલરી અને યુદ્ધ વિમાનો દેર અલ-બલાહ, અલ-બુરીજ અને અલ-મગાઝી કેમ્પની પૂર્વમાંના વિસ્તારો તેમજ નુસરત કેમ્પના મધ્ય, પશ્ચિમ અને પૂર્વમાં વિવિધ સ્થળોએ કલાકો સુધી બોમ્બમારો કરી રહ્યા હતા.
હુમલાને કારણે ગાઝા કાળા ધૂમાડાથી ભરાઈ ગયું છે
પ્રત્યક્ષદર્શીઓએ જણાવ્યું હતું કે આ વિસ્તારોને નિશાન બનાવતા અભૂતપૂર્વ હવાઈ અને આર્ટિલરી બોમ્બમારોને કારણે મધ્ય ગાઝા પટ્ટીના તમામ ભાગોમાંથી કાળા ધુમાડાના ગોટેગોટા ઉછળી રહ્યા હતા.
મળતી માહિતી અનુસાર, ઇઝરાયલી સૈન્ય વાહનો અચાનક નુસરત કેમ્પના પૂર્વ અને ઉત્તર-પશ્ચિમના વિસ્તારોમાં પ્રવેશ્યા, કેમ્પના મોટા ભાગોને નિશાન બનાવ્યા અને ગોળીબાર કર્યો. નુસરત કેમ્પ ઉપર ઈઝરાયેલના ડ્રોન ઉડી રહ્યા છે. તેઓ કેમ્પની શેરીઓમાં ચાલતા કોઈપણ પર ગોળીબાર કરી રહ્યા છે, જેના પરિણામે અનેક લોકોના મોત અને ઈજાઓ થઈ છે.
અત્યાર સુધીમાં 36 હજારથી વધુ પેલેસ્ટાઈનનાં મોત થયા છે
મળતી માહિતી અનુસાર, વિમાનોએ ગાઝા શહેરના ઝાયતૌન અને તેલ અલ-હવા પડોશ અને મધ્ય ગાઝા પટ્ટીમાં નુસરેટ, અલ-મગાઝી અને અલ-બુરીજ કેમ્પ પર હિંસક મિસાઈલ અને આર્ટિલરી બોમ્બમારો કર્યા હતા. ગાઝા સિટીના દક્ષિણપૂર્વમાં અલ-ઝાયતૌનમાં ઈઝરાયલી વિમાનોએ એક ઘર પર બોમ્બમારો કર્યા બાદ ચાર પેલેસ્ટિનિયનોના મૃતદેહ મળી આવ્યા છે. દરમિયાન, ઈઝરાયેલી સૈન્યએ શનિવારે મધ્ય ગાઝા પટ્ટીના નુસરત કેમ્પ અને અન્ય વિસ્તારો પર “મોટા પાયે અને અભૂતપૂર્વ હુમલા”ની પુષ્ટિ કરી હતી.
યુદ્ધવિરામ પ્રસ્તાવ છતાં ઈઝરાયલના હુમલા યથાવત્
યુએન સિક્યુરિટી કાઉન્સિલના ઠરાવમાં તાત્કાલિક યુદ્ધવિરામની માંગણી કરવામાં આવી હોવા છતાં, 7 ઓક્ટોબરના રોજ હમાસના હુમલા પછી ઇઝરાયલે ગાઝા પર હુમલો ચાલુ રાખ્યો છે. ત્યારથી, ગાઝામાં 36,800થી વધુ પેલેસ્ટિનિયન માર્યા ગયા છે. જેમાં મોટાભાગની સ્ત્રીઓ અને બાળકો છે અને લગભગ 83,700 અન્ય ઘાયલ થયા છે. ઈઝરાયેલના યુદ્ધમાં આઠ મહિના, ગાઝાનો વિશાળ વિસ્તાર ખોરાક, શુદ્ધ પાણી અને દવાના અભાવને કારણે ખંડેર બની ચુકયા છે.
ઈન્ટરનેશનલ કોર્ટ ઑફ જસ્ટિસમાં ઈઝરાયેલ પર નરસંહારનો આરોપ છે, જેના તાજેતરના ચુકાદાએ તેલ અવીવને દક્ષિણના શહેર રફાહમાં તરત જ તેની કામગીરી અટકાવવાનો આદેશ આપ્યો હતો. જ્યાં 6 મેના આક્રમણ પહેલા એક મિલિયનથી વધુ પેલેસ્ટિનિયનોએ લડાઈમાંથી બચવા માટે આશ્રય લીધો હતો.
