- અંબાજી ધામનો વીડિયો વાયરલ
- માતાજીની અખંડ જ્યોતમાં દેખાઈ વાઘની મુખાકૃતિ
- લોકોએ સોશિયલ મીડિયામાં વાયરલ કર્યો વીડિયો
ગુજરાતમાં હાલમાં નવરાત્રીનો તહેવાર ચાલી રહ્યો છે અને હાલના દિવસોમાં અંબાજી ધામ સહિત તમામ શક્તિપીઠો અને માતાજીના ધામમાં લાખોની સંખ્યામાં ભક્તોની ભીડ છે. આવા સમય દરમિયાન એક કૌતુકભરી ઘટના બનવા પામી હતી. હકીકતે અંબાજીની અખંડ જ્યોતમાં વાઘની મુખાકૃતિ દેખાઈ હતી.
અંબાજી ધામમાં આજે જે ઘટના બની હતી, તેની ચર્ચા ચારેકોર થઈ રહી છે. આ ઘટનાનો વીડિયો સોશિયલ મીડિયા પર ઘણો જ વાયરલ થયો છે અને લાખો લોકોએ તેને નિહાળ્યો પણ છે. ઘણાં માઈભક્તો શ્રદ્ધાથી તેને આદ્યશક્તિનો ચમત્કાર પણ ગણાવી રહ્યા છે. તેમનું કહેવું છે કે માતાજીએ નવરાત્રીના દિવસોમાં તેમના ભક્તો પર આશિષ વરસાવ્યા છે.
આ ઘટનાની માહિતી પ્રમાણે હાલમાં અંબાજી ધામમાં માતાજીના અખંડ જ્યોતનો એક વીડિયો વાયરલ થયો હતો. આ વીડિયોમાં દેખાડ્યા પ્રમાણે અંબેમાના વાહન એવા વાઘની મુખાકૃતિના દર્શન થઈ રહ્યા હોવાનું લોકો ચર્ચી રહ્યા છે. ત્યારે આ દૃશ્યો સોશિયલ મીડિયા પર લાખો લોકોએ જોયા છે અને તેને વાયરલ પણ કર્યા છે.
ઉલ્લેખનીય છે કે અંબાજીની અખંડ જ્યોતમાં વાઘની મુખાકૃતિની ઘટનાની વાત માઈભક્તોમાં વાયુવેગે પ્રસરી ગઈ હતી, પછી આ ઘટનાને નજરે જોવા માટે અંબાજી ધામમાં લોકોની ભીડ ઉમટી પડી હતી. જો કે નોંધનીય છે કે આ અખંડ જ્યોત વર્ષોથી ગબ્બર ગઢ પર પ્રગટી રહી છે. છેલ્લા કેટલાય વર્ષોથી તે કદી બુઝાણી નથી. આ ઘટનાનો વીડિયો સોશિયલ મીડિયા પર ઘણા લોકો વાયરલ કરી રહ્યા છે અને તેને લઈને કોમેન્ટ પણ કરી રહ્યા છે.
મહત્વનું છે કે આ પહેલા પણ આ અખંડ જ્યોતમાં માઈભક્તોને વાઘના દર્શન થયા હોવાની ઘટના નોંધાણી છે. કેટલાક લોકોએ આ ઘટનાનો વીડિયો પણ ઉતાર્યો. આ વીડિયો હાલમાં ખૂબ વાયરલ થઈ રહ્યો છે. વીડિયોમાં જોવામાં આવતી જ્યોતમાં સાક્ષાત વાઘનું સ્વરૂપ જોવા મળી રહ્યું છે. હાલ આ ઘટનાનો વીડિયો વાયરલ થયો છે.
