- અમેરિકાના ઓરેગન જંગલમાં વીજળી પડતા આગ લાગી જે જંગલમાં વિકરાળ રીતે ફેલાઈ
- જંગલ કિનારે આવેલા અનેક વિસ્તારોને તંત્રએ ખાલી કરાવી દીધા
- આગ ભભૂકી ઉઠતા 10 લાખ એકર જંગલ રાખ
અમેરિકાના ઓરેગન અને વોશિંગ્ટના જંગલોમાં હવા અને વીજળીને લીધે ભીષણ આગ લાગી છે. જેથી 10 લાખ એકરથી વધુ જંગલ સળગીને ભષ્મ થઈ ગયું છે. તંત્રએ જણાવ્યું કે આગ સતત વસ્તીની તરફ વધી રહી છે. જેના લીધે જંગલના કિનરે વસેલા અનેક વિસ્તારોને ખાલી કરાવામાં આવ્યા છે. જ્યારે આગને ઓલવવાના પ્રયાસ હાથ ધરાઈ રહ્યા છે.
17 જુલાઈના રોજ અમેરિકાના ઓરેગનના જંગલમાં વીજળી ત્રાટકતા આગ લાગી હતી. આ દરમિયાન 60 કિલોમીટર પ્રતિ કલાકની ઝડપે હવાઓએ ઝાડી-ઝાંખરા અને જંગલમાં આગને વધુ ફેલાવવાનું કામ કર્યું હતું. આનાથી ઓરેગન સહિત વોશિંગ્ટનના જંગલનો વિસ્તાર આગની ઝપટે ચઢયો હતો. જેથી અત્યાર સુધી સેંકજો જનાવર-પશુ-પંખીઓ મોતને ભેટયા છે. શુક્રવાર સુધી આગે ઓરેગનના 1,553 વર્ગ કિલોમીટર વિસ્તારને સળગાવીને રાખ કરી દીધું છે. તંત્રએ જણાવ્યું કે, શુક્રવારે માત્ર 20 ટકા આગ પર કાબૂ કરવામાં આવ્યો છે. ઓરેગનના નોર્થ-વેસ્ટ ઈન્ટરએજન્સીના જણાવ્ચા પ્રમાણે આ વર્ષે જંગલની આગમાં ઓરેગનનો આશરે 10 લાખ એકર અને વોશિંગ્ટનમાં 125900 એકર જંગલ સળગીને રાખ થઈ ચુકયું છે.
જ્યારે સતત વધી રહેલી આગને લીધે કેલિફોર્નિયાના સેક્રામેટામાં આવેલા બટ કાઉન્ટી વિસ્તારને ખાલી કરાવી લેવાયો છે. અહીંથી ચાર હજાર લોકોને સલામત સ્થાને મોકલી દેવામાં આવ્યા છે. આ ઉપરાંત કેનેડાના અલ્બર્ટાના જેસ્પર નેશનલ પાર્ક અને શહેરને ખાલી કરાવી દેવામાં આવ્યું છે. અહીંથી 10 હજાર લોકો અને 15 હજાર પર્યટકોને સુરક્ષિત સ્થાને મોકલી દેવાયા છે.
વરસાદની કોઈ શક્યતા નથી- હવામાન કચેરી
જંગલમાં સતત વધી રહેલી આગને ઓછી કરવામાં લાગેલા ફાયર બ્રિગેડની સમસ્યામાં વધારો થયો છે. હવામાન વિભાગના જણાવ્યા પ્રમાણે આગામી અઠવાડિયા સુધી અહીં વરસાદની કોઈ જ શક્યતા નથી. જો કે, પવનની ઝડપ ઓછી હશે અને ઠંડી હવા ચાલશે. આનાથી ફાયર બ્રિગેડને થોડી રાહત મળશે.
પૂર્વ અમેરિકામાં ધૂમ્મસ છવાઈ
જંગલમાં આગ લાગવાથી ઉઠી રહેલો ધૂમાડે પૂર્વ અમેરિકીની તરફ વધી રહ્યો છે. આ સિવાય મિનિયાપોલિસ અને ડેટ્રોયટમાં આકાશમાં ધૂમ્મસ છવાઈ છે. આનાથી લોકોને શ્વાસ લેવામાં તકલીફ થઈ રહી છે. શુક્રવારે પૂર્વ અમેરિકાના ડેનેવરમાં હવાની ક્વોલિટી સૌથી કંગાળ હતી.
