- ઈઝરાયલ અત્યારે હમાસ અને હૂતિઓ સામે બે મોરચે યુદ્ધ લડી રહ્યું છે
- યમનમાં હૂતિઓના ઠેકાણાઓ પર હુમલા કરી ઈઝરાયલે બદલો લઈ લીધો
- ઈઝરાયલના સૈન્યએ તેલઅવીવનો 24 કલાકમાં બદલો લીધો
મિડલ ઈસ્ટમાં અત્યારે ઈઝરાયલ એકસાથે બે યુદ્ધમાં વ્યસ્ત છે. એક હમાસ અને હૂતીઓ સામે. ઈઝરાયલ સૈન્યએ તાજેતરમાં તેલ અવીવ પર થયેલા ઘાતક ડ્રોન હુમલાના વળતા જવાબમાં પશ્ચિમી યમનમાં ઘણા હૂતીઓના ઠેકાણાઓ પર હુમલા કર્યા છે. ઈઝરાયલી હુમલામાં યમનના બળવાખોરોના કબ્જા ધરાવતા બંદરને સંપૂર્ણ રીતે ક્ષતિગ્રસ્ત કરાયું છે. આ હુમલામાં બંદરને ઓછામાં ઓછું 20 મિલિયન ડોલરનું નુકસાન થયું છે.
હોદેદા બંદરના એક અધિકારીએ આ જાણકારી આપતા કહ્યું કે આ હુમલામાં ઈંધણ સ્ટોરેજ સુવિધાઓને નષ્ટ થતા નુકસાન પણ વઘારાયું છે. ઈઝરાયલી સૈન્યએ 20 જુલાઈએ ઈરાનના સમર્થિત હૂતી બળવાખોરના કાબૂ ધરાવતા બંદર હોદેદા પર આ હુમલો કર્યો હતો. આ હુમલામાં બંદરના મોટાભાગના ઓઈલ સ્ટોરેજ ક્ષમતા નષ્ટ થઈ અને ભીષણ આગ લાગી ગઈ જે ઘણા દિવસો સુધી સળગતી રહેશે.
ઈઝરાયલના સૈન્યએ 24 કલાકમાં બદલો લીધો
આ અગાઉ યમન બળવાખોર જૂથ હૂતીઓએ 19 જુલાઈએ ઈઝરાયલના તેલ અવીવ પર હુમલો કર્યો હતો. હુમલાના વળતા પ્રહારમાં ઈઝરાયલની સૈન્યએ માત્ર 24 કલાકમાં પશ્ચિમી યમનમાં ઘણા હૂતી ઠેકાણાઓ પર હુંલો કર્યો છે. બળવાખોરો અનુસાર, હુમલામાં નવ લોકોનાં મોત થયા છે જ્યારે ઘણા લોકો ઈજાગ્રસ્ત થયા છે.
ઑક્ટોબરમાં ઈઝરાયલ અને હમાસ યુદ્ધ શરૂ થયા પછીથી યમનની ધરતી પર ઈઝરાયલનો આ પ્રથમ હુમલો હતો. ઈઝરાયલની સૈન્યના જણાવ્યા પ્રમાણે હૂતીના ગઢ હોદેદાના પશ્ચિમી બંદર સહેરમાં અનેક સૈન્ય ઠેકાણાઓને નિશાન બનાવવામં આવ્યા છે. આ હુમલો તાજેતરના મહિનામાં ઈઝરાયલ વિરુદ્ધ સેંકડો હુમલાનો જવાબ હતો.
20 મિલિયન ડોલરથી વધુ નુકસાન
ગત અઠવાડિયામાં હોદેદા બંદરની કામગીરી ફરીથી બહાલ કરી દેવામાં આવી છે. બંદરના એક અધિકારીએ જણાવ્યું કે, રવિવારે આ હુમલામાં થયેલા નુકસાનનો આંકડાની આકારણની કરવામાં આવી છે. તેમને વધુમાં જણાવ્યું કે ઈઝરાયલના હુમલામાં બે ક્રેન નષ્ટ થયા છે. એખ નાનું જહાજ સળગીને નષ્ટ થયું છે. આ સિવાય અનેક ઈમારતોમાં આગ લાગી છે.
હોદેદા બંદરને ચલાવવા માટે યમન રેડ-સી પોર્ટસના એક અધિકારીના જણાવ્યા પ્રમાણે હુમલામાં ગોદીને નુકસાન થયું છે. બંદરને થયેલા નુકસાનનો ખર્ચ 20 મિલિયન ડોલર કરતાં વધુ છે. જો કે અધિકારીએ જણાવ્યું કે, આ રકમમાં ઈંધર સ્ટોરેજ ક્ષમતામાં થતા નુકસાનને સામેલ નથી કરાયું.
બંદરે જલ્દીથી ફરી શરૂ થશે
બંદરને થયેલા નુકસાનને લીધે કેટલાક દિવસો સુધી સમસ્યા આવી પરંતુ ફરીથી જલ્દી કામગીરી શરૂ થઈ ગઈ. હૂતી અધિકારીઓ અનુસાર ઈઝરાયલની હુમલાના ત્રણ દિવસ પછી બે કન્ટેન્ર જહાજ હોદેદામાં ડોક કરાયા ગયા. જો કે રવિવારે આ બંદર ચાલુ જોવા મળ્યું હતું.
