- PM મોદી UN મહાસભાના ઉચ્ચ સ્તરીય સત્રને સંબોધિત કરશે
- લોન્ગ આઈલેન્ડમાં આ કોમ્યુનિટી પ્રોગ્રામની તૈયારીઓ પૂરજોશ
- અમેરિકામાં રાષ્ટ્રપતિ પદની ચૂંટણી પહેલા PM મોદી કરશે મુલાકાત
વડાપ્રધાન નરેન્દ્ર મોદી આવતા મહિને સંયુક્ત રાષ્ટ્ર મહાસભાના ઉચ્ચ સ્તરીય સત્ર માટે અમેરિકા જશે. તેઓ અહીં NRIના એક કાર્યક્રમને સંબોધશે. આ કાર્યક્રમ 22 સપ્ટેમ્બરે લોન્ગ આઇલેન્ડના નાસાઉ કોલિઝિયમમાં યોજાશે.
સંયુક્ત રાષ્ટ્ર દ્વારા જાહેર કરાયેલ વક્તાઓની યાદી જાહેર કરાઈ
સંયુક્ત રાષ્ટ્ર દ્વારા જાહેર કરાયેલ વક્તાઓની યાદી અનુસાર પીએમ મોદી 26 સપ્ટેમ્બરે સંયુક્ત રાષ્ટ્ર મહાસભાના ઉચ્ચ સ્તરીય સત્રને સંબોધિત કરશે. જો કે, આ યાદી આખરી નથી અને UN ઉચ્ચ સ્તરીય સત્રના અઠવાડિયા પહેલા વક્તાઓની અપડેટ કરેલી કામચલાઉ યાદી બહાર પાડે છે.
અમેરિકામાં રાષ્ટ્રપતિ ચૂંટણી પહેલા લેશે મુલાકાત
આ વર્ષે પીએમ મોદીની અમેરિકા પ્રવાસ 5 નવેમ્બરે રાષ્ટ્રપતિની ચૂંટણીના અઠવાડિયા પહેલા થવા જઈ રહ્યો છે. જેમાં ટ્રમ્પ અને ડેમોક્રેટિક રાષ્ટ્રપતિ પદના ઉમેદવાર કમલા હેરિસ લડી રહ્યા છે. કમલા હેરિસ અશ્વેત અને ભારતીય મૂળની પ્રથમ મહિલા છે જેઓ અમેરિકાના ઉપરાષ્ટ્રપતિ અને મોટા રાજકીય પક્ષના રાષ્ટ્રપતિ પદના ઉમેદવાર છે.
24-30 સપ્ટેમ્બર દરમિયાન યોજાશે બેઠક
આ વર્ષે સંયુક્ત રાષ્ટ્ર મહાસભાના 79મા સત્રની ઉચ્ચ સ્તરીય બેઠક 24-30 સપ્ટેમ્બર દરમિયાન યોજાશે. UN સેક્રેટરી જનરલ એન્ટોનિયો ગુટેરેસ સત્રની શરૂઆત પહેલા પોતાનો રિપોર્ટ રજૂ કરશે. ત્યારબાદ જનરલ એસેમ્બલીના 79મા સત્રના અધ્યક્ષ સંબોધન કરશે. પીએમ મોદીએ છેલ્લે સપ્ટેમ્બર 2021માં વાર્ષિક ઉચ્ચ સ્તરીય UNGA સત્રને સંબોધિત કર્યું હતું. તેમણે ગયા વર્ષે 21 જૂને સંયુક્ત રાષ્ટ્રના મુખ્યાલયની મુલાકાત લીધી હતી. રાષ્ટ્રપતિ બિઈડેન દ્વારા આયોજિત રાજકીય પ્રવાસ માટે વોશિંગ્ટન ડીસી જતા પહેલા વલ્ડ બોડીના મુખ્યાલયના ઉત્તર લોનમાં ઐતિહાસિક યોગ દિવસ સમારોહનું નેતૃત્વ કર્યું હતું.
લોન્ગ આઇલેન્ડમાં પૂરજોશમાં તૈયારીઓ
સૂત્રોના જણાવ્યા અનુસાર લોન્ગ આઈલેન્ડમાં આ કોમ્યુનિટી પ્રોગ્રામની તૈયારીઓ પૂરજોશમાં ચાલી રહી છે. આ યોજન પીએમ મોદી દ્વારા સપ્ટેમ્બર 2014માં ન્યૂયોર્કના પ્રસિદ્ધ મેડિસન સ્ક્વેર ગાર્ડનમાં એક સભાને સંબોધિત કર્યાના 10 વર્ષ બાદ આ કાર્યક્રમ યોજાશે.
ઉલ્લેખનીય છે કે, 2019માં પીએમ મોદીએ ટેક્સાસના હ્યુસ્ટનમાં એનઆરજી સ્ટેડિયમમાં ‘હાઉડી મોદી’ કાર્યક્રમને સંબોધન કર્યુ હતું. જ્યાં તેમની સાથે તત્કાલીન અમેરિકી રાષ્ટ્રપતિ ડોનાલ્ડ ટ્રમ્પે પણ હાજરી આપી હતી.
