- અમેરિકાના મિસિસિપીમાં બસ પલટી જતાં 7 લોકોના મોત
- અકસ્માતમાં 7 લોકોના મોત અને 37 લોકો ઘાયલ થયા
- બસ હાઈવે પરથી પલટી જવાના કારણે ભયાનક અકસ્માત થયો
અમેરિકાના મિસિસિપીમાં ઇન્ટરસ્ટેટ રૂટ 20 પર બસ પલટી જતાં 7 લોકોના મોત થયા હતા અને અન્ય 37 લોકો ઘાયલ થયા હતા. મળતી માહિતી અનુસાર, આ અકસ્માતમાં 6 મુસાફરોના ઘટનાસ્થળે જ મોત નિપજ્યાં હતા, જ્યારે અન્ય એકનું હોસ્પિટલ લઈ ગયા બાદ મોત થયું હતું.
અકસ્માતમાં 37 મુસાફરો ઘાયલ થયા
મળતી માહિતી મુજબ, વોરેન કાઉન્ટીમાં બોવિના પાસે બસ હાઈવે પરથી પલટી ગઈ હતી. નેશનલ ટ્રાન્સપોર્ટેશન સેફ્ટી બોર્ડે સોશિયલ મીડિયા પ્લેટફોર્મ X પર જાહેર કરેલી પોસ્ટમાં જણાવ્યું હતું કે ટાયર ફાટવાને કારણે આ અકસ્માત થયો હતો. વોરેન કાઉન્ટીના કોરોનર ડગ હસ્કીએ જણાવ્યું હતું કે મૃતકોમાં છ વર્ષનો છોકરો અને તેની 16 વર્ષની બહેનનો સમાવેશ થાય છે. બંનેની ઓળખ તેમની માતાએ કરી છે. તેમણે કહ્યું કે અધિકારીઓ બાકીના મૃતકોની ઓળખ કરવાનો પ્રયાસ કરી રહ્યા છે.
હરિયાણાના કરનાલના યુવકનું મોત
37 ઘાયલ મુસાફરોને વિક્સબર્ગ અને જેક્સનની હોસ્પિટલમાં લઈ જવામાં આવ્યા છે.હાલમાં જ હરિયાણાના કરનાલના અમૃતપાલ સિંહનું અમેરિકામાં રોડ અકસ્માતમાં મોત થયું હતું. અમૃતપાલ તેની પત્ની સાથે સેક્રામેન્ટો વિસ્તારમાં રહેતો હતો. તે અહીં ટ્રક ચલાવતો હતો. ઘટના બાદ ઘરમાં શોકનો માહોલ છે.
કેવી રીતે થયો અકસ્માત?
અમૃતપાલ કરનાલના જલમાના વિસ્તારના થજધા માજરા ગામનો રહેવાસી હતો. જણાવવામાં આવી રહ્યું છે કે 21 ઓગસ્ટના રોજ તે પોતાના સાથી ડ્રાઈવર સાથે ટ્રકમાં કામ પરથી જઈ રહ્યો હતો. આ દરમિયાન સાથી ચાલકને અચાનક ઉંઘ આવી ગઈ, જેના કારણે ટ્રક કાબુ બહાર જઈને ખાડામાં પડી ગઈ. આ અકસ્માતમાં અમૃતપાલ ગંભીર રીતે ઘાયલ થયો હતો. તેને હોસ્પિટલમાં દાખલ કરવામાં આવ્યો જ્યાં તેનું મોત થયું હતું.
