લેબેનોનમાં હિઝબુલ્લાના આતંકવાદીઓ અને સભ્યો ઉપર થયેલા પેજર વિસ્ફોટે વિશ્વભરમાં ચકચાર મચાવી દીધી છે. આ પેજર વિસ્ફોટમાં તાઈવાન દેશની કંપની ગોલ્ડ એપોલો સાથે પણ સાંકળવામાં આવી રહ્યો છે. કારણ કે, હિઝબુલ્લાએ તાઈવાનની કંપનીને પેજરનો ઓર્ડર આપ્યો હતો. આ વાત સામે આવતા જ તાઈવાન પોલીસે ગોલ્ડ એપોલો કંપની પાસે પહોંચી તપાસ શરૂ કરી હતી.
કંપનીના ફાઉન્ડર હ્યુચિંગ-કુઆંગે મીડિયાને જણાવ્યું કે, કંપનીએ આ પેજર નથી બનાવ્યા, જેનો ઉપયોગ મંગળવારે લેબેનોનમાં થયેલા શ્રેણીબદ્ધ વિસ્ફોટમાં થયો હતો. વધુમાં તેમને જણાવ્યું કે, વિસ્ફોટમાં વપરાયેલ પેજર યુરોપની એક કંપની તરફથી બનાવવામાં આવ્યા હતા. જેની પાસે તાઈવાની કંપનીના બ્રાંડ નેમ ઉપયોગ કરવાના હક છે. તાઈાન કંપનીનું કહેવું છે કે તેને આ મોડલના પેજર્સ બનાવવા સબ કોન્ટ્રાક્ટ યુરોપની કંપનીને આપ્યો હતો અને આને પેજર્સના કંપોનેન્ટ થર્ડ પાર્ટી પાસે બનાવડાવ્યા છે.
આ વિસ્ફોટોમાં ઈઝરાયેલનો હાથ હોવાની શંકા છે
તે જાણીતું છે કે ઇઝરાયેલ હિઝબુલ્લાહ સામે લડી રહ્યું છે. એટલા માટે હિઝબુલ્લાએ આ હુમલામાં ઈઝરાયેલની સંડોવણીની આશંકા વ્યક્ત કરી છે. લેબનોનમાં થયેલા આ શ્રેણીબદ્ધ વિસ્ફોટોને લઈને હજુ સુધી ઈઝરાયેલ તરફથી કોઈ નિવેદન આવ્યું નથી.
