- નવેમ્બર-ડિસેમ્બરના પ્રથમ શનિવાર-રવિવારે ખાસ ઝુંબેશ યોજાશે
- મતદાર યાદી સુધારણા કાર્યક્રમ અંતર્ગત 18 વર્ષ પૂરા કરેલ યુવાનો મતદાર કાર્ડ કઢાવી શકશે
- નાયબ ચૂંટણી અધીકારીએ વીવીધ કોલેજોના 34 કેમ્પસ એમ્બેસેડરને ઝુંબેશની સમજ આપી
લોકસભાની ચૂંટણીને અનુલક્ષીને ચૂંટણી વિભાગ દ્વારા ખાસ મતદાર યાદી ખાસ સંક્ષીપ્ત સુધારણા કાર્યક્રમ અમલી કરવામાં આવનાર છે. જેમાં 1-1-24ની સ્થીતીએ 18 વર્ષ પુરા કરનાર દરેક યુવાનો મતદાર કાર્ડ કઢાવે તે માટે જિલ્લા ચૂંટણી વિભાગે કોલેજના કેમ્પસ એમ્બેસેડર સાથે બેઠક કરી હતી.
સમગ્ર દેશમાં આગામી વર્ષ 2024માં લોકસભા ચૂંટણી આવી રહી છે. ત્યારે ચૂંટણી વિભાગ દ્વારા મતદાર યાદી ખાસ સુધારણા ઝુંબેશ ચલાવવામાં આવનાર છે. જેમાં નવેમ્બર માસની 4 અને 5 તારીખ તથા ડિસેમ્બર માસની 2 અને 3 તારીખે પ્રથમ શનીવાર-રવીવારે ખાસ ઝુંબેશ હાથ ધરાનાર છે. જેમાં બીએલઓ કક્ષાએથી મતદાર યાદી સુધારણા કરવામાં આવશે. બીજી તરફ કોલેજમાં અભ્યાસ કરતા યુવાનો કે જેઓના 18 વર્ષ પુરા થયા હોય તેઓ ખાસ મતદાર કાર્ડ કઢાવે તે માટે ઝુંબેશ હાથ ધરવામાં આવનાર છે. જેના માટે જિલ્લાના નાયબ ચૂંટણી અધીકારી એ.આર.ચાવડા સહિતનાઓએ વીવીધ કોલેજોના 34 કેમ્પસ એમ્બેસેડરને ઝુંબેશની સમજ આપી હતી. કોલેજોમાં બીજા વર્ષમાં અભ્યાસ કરતા 34 કેમ્પસ એમ્બેસેડરને પોતાની સાથે અભ્યાસ કરતા અને 1-1-24ની સ્થીતીએ 18 વર્ષ પુરા થતા હોય તેવા યુવાનો મતદાર કાર્ડ કઢાવે તે માટેની કાર્યવાહીમાં સહભાગી થવા જણાવાયુ હતુ. ત્યારે નવેમ્બર અને ડીસેમ્બર માસના પ્રથમ શનીવાર-રવીવાર બાદ તા. 5-1-24ના રોજ સુધારેલી મતદાર યાદી પ્રસીધ્ધ થનાર છે.
