અમેરિકાના રાષ્ટ્રપતિ ડોનાલ્ડ ટ્રમ્પના ટેરિફની વિશ્વભરના બજારો પર મોટી અસર પડી રહી છે. સોમવારે એશિયન શેરબજારમાં મોટો ઘટાડો જોવા મળ્યો. બજાર ખુલતાની સાથે જ જાપાનના નિક્કીમાં 225 પોઈન્ટનો ઘટાડો નોંધાયો. એક કલાક પછી, તે 7.1 ટકા ઘટીને 31,375.71 પર બંધ થયો.
દક્ષિણ કોરિયાનો કોસ્પી 5.5 ટકા ઘટીને 2,328.52 પર બંધ રહ્યો હતો જ્યારે ઓસ્ટ્રેલિયાનો S&P/ASX 200 પણ 6.3 ટકા ઘટીને 7,184.70 પર બંધ રહ્યો હતો.
હોંગકોંગ શેરબજારમાં પણ ભારે ઘટાડો જોવા મળ્યો. હોંગકોંગનો હેંગ સેંગ ઇન્ડેક્સ 9 ટકાથી વધુ ઘટ્યો.
શુક્રવારે, યુએસ નાસ્ડેક 6 ટકાના ઘટાડા સાથે બંધ થયો. એવો અંદાજ છે કે જો આ ઘટાડો ભારતીય શેરબજારમાં થયો હોત, તો સીધો 1400 પોઈન્ટનો ઘટાડો થયો હોત.
શું કહે છે ટ્રમ્પ ?
તો આ અંગે ડોનાલ્ડ ટ્રમ્પે કહ્યું હતું કે જો બાઇડેનના કાર્યકાળ દરમિયાન અન્ય દેશોએ અમેરિકા સાથે ખરાબ વર્તન કર્યું હતું. આ આપણા નબળા નેતૃત્વને કારણે થયું. તમને જણાવી દઈએ કે ટ્રમ્પની જાહેરાત બાદ શેરબજારમાં ભારે ઘટાડો જોવા મળ્યો હતો. અમેરિકન શેરબજારથી લઈને એશિયન શેરબજારો સુધી બધા જ ઘટ્યા હતા. બિટકોઇન જેવી ક્રિપ્ટોકરન્સીમાં પણ તીવ્ર ઘટાડો થયો. આનાથી રોકાણકારોમાં ડર પેદા થયો છે કે ટેરિફથી ફુગાવો વધશે અને અર્થતંત્ર મંદી તરફ આગળ વધી શકે છે.
નિષ્ણાંતના જિમ ક્રેમરે ચેતવણી આપી હતી કે યુએસ બજારો 1987 જેવી જ વિનાશનો સામનો કરી શકે છે, જ્યારે ડાઉ જોન્સમાં અત્યાર સુધીનો સૌથી મોટો એક દિવસનો ઘટાડો જોવા મળ્યો હતો. સોમવારે પ્રથમ ટ્રેડિંગ દિવસે 1987ના ‘બ્લેક મન્ડે’ પછીનો સૌથી ખરાબ એક દિવસીય ઘટાડો જોવા મળી શકે છે. જ્યારે અમેરિકાના ડાઉ જોન્સ ઇન્ડસ્ટ્રિયલ એવરેજના નેતૃત્વમાં વિશ્વભરના બજારોમાં તીવ્ર ઘટાડો થયો હતો. તેમણે દાવો કર્યો હતો કે જો અમેરિકન રાષ્ટ્રપતિ એવા દેશોનો સંપર્ક નહીં કરે જેમણે અમેરિકા પર બદલો લેવા માટે ટેરિફ લાદ્યો નથી, તો પરિસ્થિતિ વધુ ખરાબ થઈ શકે છે.
‘બ્લેક મન્ડે’ શું છે?
1987નો દિવસ કેમ બ્લેક મંડે તરીકે યાદ કરાય છે તેના વિશે વાત કરીએ તો, 19 ઓક્ટોબર, 1987 સોમવાર હતો અને આ દિવસે અમેરિકન શેરબજારમાં ભારે વિનાશ થયો હતો. ડાઉ જોન્સ ઇન્ડસ્ટ્રિયલ એવરેજ 22.6 ટકા ઘટ્યો. એટલું જ નહીં, S&P-500 ઇન્ડેક્સ 20.4% ઘટ્યો હતો અને તેની અસર સમગ્ર વિશ્વમાં જોવા મળી હતી. હવે નિષ્ણાંત જીમ ક્રેમરે કહ્યું છે કે ડોનાલ્ડ ટ્રમ્પના ટેરિફને કારણે બજારમાં 1987 પછીનો સૌથી મોટો ઘટાડો થઈ શકે છે.
