પહલગામ આતંકવાદી હુમલા પછી, ભારતે સિંધુ જળમાર્ગ બંધ કરીને પાકિસ્તાન પર પાણીનો પ્રહાર કર્યો. ભારત સરકારે જમ્મુ અને કાશ્મીરમાં બનેલા તમામ ડેમ બંધ કરીને પાકિસ્તાનનો પાણીનો પુરવઠો બંધ કરી દીધો.
હવાઈ હુમલા બાદ બીજી વોટર સ્ટ્રાઈક કરતી વખતે, ભારતે પહેલા સલાલ ડેમમાંથી પાણી છોડ્યું અને આજે બગલીહાર ડેમમાંથી પાણી છોડ્યું, જેના કારણે પાકિસ્તાનમાં પૂરનો ભય છે. ડેમ બંધ થવાને કારણે, રાવી, બિયાસ, સતલજ, સિંધુ, ઝેલમ અને ચિનાબ નદીઓમાં પાણીનું સ્તર ઘટ્યું છે. નદીઓ સુકાઈ જવાના આરે પર છે.
પાકિસ્તાનમાં વહેતી સતલજ નદીમાં એક ટીપું પણ પાણી નથી. બિયાસ નદી હવે નદી નથી રહી પણ ખાલી ખેતર બની ગઈ છે, જ્યારે રાવી નદીમાં ફક્ત કાદવ જ બચ્યો છે. તણાવ પહેલા, ભારતના ભાગની આ નદીઓનું થોડું પાણી પાકિસ્તાન જતું હતું, પરંતુ હવે ભારત સરકારે તેને સંપૂર્ણપણે બંધ કરી દીધું છે.
આ રીતે તણાવના લીધે પાકિસ્તાનને થઈ રહ્યુ ંછે નુકસાન
ગઈકાલે કેન્દ્ર સરકારે ચિનાબ નદીની ઉપનદી પર બાંધવામાં આવી રહેલા પાકલ કારુ હાઇડ્રો ઇલેક્ટ્રિક પ્રોજેક્ટને સૂચિત કર્યું, જે તેના કાર્ય કરવાની પ્રક્રિયાને ઝડપી બનાવશે. આ 1000 મેગાવોટનો પ્રોજેક્ટ સિંધુ નદી પર બનેલો સૌથી મોટો પ્રોજેક્ટ હશે. પાકિસ્તાન આ પ્રોજેક્ટનો વિરોધ કરી રહ્યું હતું કારણ કે તેના મતે આ પ્રોજેક્ટ ચિનાબ નદીના પાણીને પોતાની તરફ વહેતા અટકાવે છે.
પરંતુ પાકિસ્તાન સાથે ચાલી રહેલા તણાવના લીધે ભારતે હવે આ પ્રોજેક્ટ પૂર્ણ કરવાનું શરૂ કરી દીધું છે. પહેલી વાર, ભારત સરકારે તકનો લાભ લીધો છે અને સલાલ અને બગલીહારમાં જળાશય ફ્લશિંગ શરૂ કર્યું છે. આ કારણે, ભારત જ્યારે ઇચ્છે ત્યારે પાકિસ્તાન તરફ મોટા પ્રમાણમાં પાણી છોડી શકે છે, જેના કારણે પાકિસ્તાનમાં પૂરનો ભય ઉભો થઈ શકે છે. 2 દિવસથી સતત પાણી છોડવાથી ઘણા ગામો પાણીમાં ડૂબી ગયા છે.
