માલદીવ્સ ફરવા જઈ રહેલા નાગરીકોને ઓસ્ટ્રેલિયાએ એક ખાસ એલર્ટ આપ્યું છે. આસ્ટ્રેલિયાએ માલદીવ્સમાં હિંસક પ્રદર્શન થવાની આશંકા વ્યક્ત કરતા જણાવ્યું છે કે જે લોકો ગરમીમાં માલદિવ્સ જવાનો પ્લાન બનાવી રહ્યા હોય તે હાઈ-એલર્ટ પર રહેજો. ગરમીની સિઝનમાં દુનિયાભરના પ્રવાસીઓ માલદીવ્સ ફરવા આવે છે, જેમાં ભારતીયો ઘણા વધારે છે. ઈન્ડિયન સેલિબ્રિટીથી લઈને સામાન્ય નાગરીક અને કપલો હનીમુન માટે માલદીવ્સ જાય છે.
સ્કાય ન્યુઝ પ્રમાણે ફોરેન અફેર્સ અને ટ્રેડ વિભાગની સરકારી વેબસાઈટસ્માર્ટ ટ્રાવેલરના નાગિરીકો માટે એક એલર્ટ જાહેર કરીને તેમને સતર્ક રહેવા માટે જણાવવામાં આવ્યું છે. માલદિવ્સમાં સિવિલ અનરેસ્ટ અથવા દેશના નાગરિકોમાં અશાંતિ અને આતંકવાદના ભયને જોતા આ એલર્ટ જાહેર કરવામાં આવ્યું છે.
સ્માર્ટ ટ્રાવેલરે પોતાની વેબસાઈટ પર 76 દેશોની લિસ્ટમાં માલદિવ્સને રાખ્યું છે. જે હાલ સુરક્ષિત નથી. તેમાં ઈંગ્લેન્ડ, પ્રાન્સ, ઈન્ડોનેશિયા, સંયુક્ત અરબ અમિરાત, મેક્સિકો, સાઈપ્રસ અને કેન્યા જેવા દેશનો સમાવેશ થાય છે. તેણે જણાવ્યું છે કે ઓસ્ટ્રેલિયાના નાગરિકોએ પણ માલદીવ્સના હીંદ મહાસાગરના આયલેન્ડમાં જવાનું ટાળવું જોઈએ. કારણકે આ વિસ્તારોમાં હિંસક પ્રદર્શન થઈ શકે છે.
