કેલિફોર્નિયા સરકારે ડોનાલ્ડ ટ્રમ્પ વિરુદ્ધ એક મોટુ પગલુ ભર્યું છે. સરકારે લોસ એન્જેલિસમાં રાજ્યપાલની પરમિશન વગર 2000 નેશનલ ગાર્ડ સૈનિકોને મોકલવાને લઈને તેમના વિરુદ્ધ કેસ નોંધ્યો છે. રાજ્યના અધિકારીઓનું કહેવું છે કે આ નિર્ણય કાયદાની વિરુદ્ધ છે. જેનાથી આ તણાવયુક્ત વાતાવરણ વધારે બગડી શકે છે.
અટોર્ની જનરલ રોબ બોન્ટાએ ટ્રમ્પ પર લગાવ્યા આરોપો
અર્ટોની જનરલે સોમવારે આ ઘટના અંગે માહિતી આપી હતી. તેમણે જણાવ્યું હતું કે રાષ્ટ્રપતિ ટ્રમ્પે પોતાની તમામ હદો પાર કરી દીધી છે. તેમણે ગવર્નર ગૈવિન ન્યૂસમની પરમિશન વગર સૈન્ય મોકલ્યુ હતું. જે અયોગ્ય છે. બોન્ટાએ જણાવ્યું હતું કે રાજ્યમાં કોઈ પ્રકારનો હુમલો થયો નથી કે કોઈ પ્રકારનો વિદ્રોહ થયો નથી. તેમણે આરોપ લગાવ્યો છે કે રાષ્ટ્રપતિ ફક્ત તેનો રાજકીય ફાયદો ઉઠાવવા માટે સંકટ અને અવ્યવસ્થા ફેલાવવા માંગે છે.
કેલિફોર્નિયા સરકારે શું કહ્યું?
કેલિફોર્નિયા સરકારે પોતાના નિવેદનમાં જણાવ્યું હતું કે રાષ્ટ્રપતિ ડોનાલ્ડ ટ્રમ્પે કાયદાનો ખોટો દુરઉપયોગ કર્યો છે. જે ફક્ત કોઈ ખાસ પરિસ્થિતિઓમાં જ રાષ્ટ્રપતિને સૈનિકો મોકલવાની પરમિશન આપે છે. જેમ કે કોઈ મોટા હુમલા અને વિદ્રોહની સ્થિતિમાં. રાજ્ય સરકારનું કહેવું છે કે હાલ આવી કોઈ પરિસ્થિતિ ઉભી થઈ નહોતી.
ગવર્નર ન્યૂસમે ટ્રમ્પ પ્રશાસનને લખ્યો પત્ર
ગવર્નર ન્યૂસમે ટ્રમ્પ પ્રશાસનને એક પત્ર લખ્યો, જે રક્ષા સચિવ પીટ હેગસેથના નામથી હતો. તેમણે કહ્યું કે લોસ એન્જેલિસમાં સૈનિકોને મોકલવા ફક્ત ગેરકાયદેસર જ નહીં પણ તે રાજ્યની સ્વાયત્તા પર સીધો હુમલો છે. આ પગલુ જાણી જોઈને તણાવને વધારવા માટે લેવામાં આવ્યું છે.
