ઇરાન અને ઇઝરાયલ વચ્ચે જંગ છેડાઇ છે. ઇઝરાયલનું કહેવુ છે કે તેણે આ હુમલો ન્યૂક્લિઅર સાઇટ્સ અને બેલેસ્ટિક મિસાઇલ ફેક્ટરી પર કર્યો છે. આ મામલે અમેરિકી રાષ્ટ્રપતિ ડોનાલ્ડ ટ્રમ્પે ઇરાનને ચેતવણી આપતા કહ્યું કે ઇઝરાયલ પાસે ખતરનાક હથિયાર છે. જો સમજૂતી નહી તો ભારે તબાહી થશે.
ડોનાલ્ડ ટ્રમ્પે આપી ચેતવણી
ડોનાલ્ડ ટ્રમ્પે ઇરાનને ધમકીભર્યા સ્વરમાં કહ્યું કે મે ઇરાનને સોદો કરવા માટે ઘણી તકો આપી. મે ઇરાનને સખત શબ્દોમાં કહ્યું કે બસ કરો. પરંતુ ભલે તેણે ગમે તેટલો પ્રયત્ન કર્યો હોય, ગમે તેટલો નજીક ગયો હોય, તેઓ આને પૂરા કરી ન શક્યા. મે એ પણ કહ્યું કે અમેરિકા દુનિયામાં અત્યાર સુધી સૌથી ઘાતક અને સારામાં સારા સૈન્ય ઉપકરણ બનાવે છે અને ઇઝરાયલ પાસે તેનો બહુ મોટો ભંડાર છે. તે આવનારા સમયમાં ઘણુ બધુ થશે અને તેઓ આ હથિયારોનો ઉપયોગ કરવાનું જાણે છે.
સમજૂતી કરી લો નહી તો…
અમેરિકી રાષ્ટ્રપતિએ વધુમાં કહ્યું કે ઇરાનને સમજૂતી કરવી જોઇએ. એનાથી પહેલા કે કશું ન બચે. જેને ઇરાની સામ્રાજ્યના નામથી ઓળખાતુ હતુ તેને બચાવવુ જોઇએ. હવે વધારે મોત નહી. કોઇ વધારે વિનાશ નહી. બસ કરો. એ પહેલા કે ઘણુ મોડુ થઇ જાય. ભગવાન તમારા બધાનું ભલુ કરે.
ઇઝરાયલના પીએમ બેન્ઝામિન નેતન્યાહૂએ ઓપરેશન રાઇઝિંગ લાયન શરૂ કરવાની જાહેરાત કરી છે. કહેવામાં આવી રહ્યું છે કે આ ઇઝરાયલના અસ્તિત્વ માટે આ ઈરાની પરમાણુ શસ્ત્રોના અસ્તિત્વના ખતરાને ઘટાડવા માટે એક લક્ષિત લશ્કરી કાર્યવાહી છે. આ ખતરાને દૂર કરવા માટે જેટલા દિવસ જાય, ઓપરેશન ચાલુ જ રહેશે..
