- પાસ પરમીટ વગર ફાટકડાનો જથ્થો સંગ્રહ કરાયો હતો
- માંગરોળના ભાતકોલ ગામની સીમમાં SOG પોલીસના દરોડા
- તબેલાની આડમાં ફાટકડાનું ગોડાઉન ધમધમતું હતું
સુરતના માંગરોળના ભાટકોલ ગામની સીમમાં તબેલાની આડમાં પાસ પરમીટ વગર કે કોઈપણ પ્રકારની ફાયર સેફ્ટી ના સાધનો વગર સંગ્રહ કરવામાં આવેલ 7.76 લાખનો ફટાકડાનો જથ્થો સુરત ગ્રામ્ય SOG પોલીસે ઝડપી પાડી કાયદેસરની કાર્યવાહી હાથ ધરી હતી.
દિવાળીના તહેવારને બસ હવે ગણતરીના દિવસો જ બાકી રહ્યા છે.ધીમે ધીમે બજારોમાં ફટાકડાના સ્ટોલ ઉભા થઈ રહ્યા છે.ત્યારે કોઈપણ જગ્યાએ વગર પાસ પરમીટએ ફટાકડાનો સમગ્ર કે વેચાણ ન થાય તે માટે સુરત જિલ્લા વહીવટી તંત્ર સતર્ક થયું છે. ત્યારે, સુરત ગ્રામ્ય SOG ટીમને બાતમી મળી હતી કે માંગરોળ તાલુકાના ભાટકોલ ગામની સીમમાં એક તબેલાની આડમાં કોઈપણ પ્રકારની ફાયર સેફ્ટી કે પાસ પરમીટ વગર મોટી માત્રામાં અલગ અલગ પ્રકારના ફટાકડા બનાવવાનું કાચું રો મટીરિયલ બંચ તેમજ તૈયાર ફટાકડાનો જથ્થો સંગ્રહ કરાયો છે.જે બાતમીના આધારે સુરત ગ્રામ્ય SOG ટીમે છાપો માર્યો હતો અને તબેલા ની આડમાં રહેલ ફટાકડાનું ગોડાઉન ઝડપી લીધું હતું.
સ્થળ પરથી SOG ની ટીમને અલગ અલગ ભોયચકરડી, ફટાકડા બનાવવાનું કાચું રો મટીરિયલ બંચ,અલગ અલગ કલરના નાના મોટા સ્ટેલપર, સેલોટેપ, પ્લાસ્ટિકના પિવિસી પાઇપના ટુકડા મળી કુલ 7.76 લાખનો મુદ્દામાલ જપ્ત કરી ભરૂચ જિલ્લાના કોસમાડી ગામના સત્યપ્રકાશ હસમુખ હાંસોટી નામના ઇસમ વિરૂદ્ધ ગુનો દાખલ કરી તેઓને વોન્ટેડ જાહેર કરી કાયદેસરની કાર્યવાહી હાથધરી હતી.
