આત્મીય ઇનોવેશન ફાઉન્ડેશન અને ઇગ્નીશન કેપિટલ એડવાઇઝર્સ વચ્ચે MoU
MoU યોગ્ય સ્ટાર્ટઅપ્સને રાષ્ટ્રીય અને આંતરરાષ્ટ્રીય સ્તરે આગળ વધારવામાં મદદરૂપ બનશેનો દાવો
અગ્ર ગુજરાત, રાજકોટ
આત્મીય ઇનોવેશન ફાઉન્ડેશન દ્વારા ગુજરાતના સૌથી મોટા સ્ટાર્ટઅપ કાર્યક્રમ — Startup Forerunner અને Startup Mahasangam — ની ભવ્ય સફળતા બાદ, આત્મીય ઇનોવેશન ફાઉન્ડેશન (AIF) એક મજબૂત અને સ્થિર ઉદ્યમિતા ઇકોસિસ્ટમ ઉભી કરવાની દિશામાં મહત્વપૂર્ણ આયોજન કરી રહ્યું છે. આ પહેલા (AIF) આત્મીય ઇનોવેશન ફાઉન્ડેશન દ્વારા સ્ટાર્ટઅપ્સ અને ઉદ્યોગસાહસિકોને Adani Group, Adani Digital, Tata Sons, IndiGo, Quikr, Yatra, Naukri, Rediff, Times Internet, Airtel અને Hono.ai જેવી અગ્રણી કોર્પોરેટ કંપનીઓ સાથે જોડવાની અનોખી તકો ઊભી કરવામાં આવી છે. ઉપરાંત, Finvolve, India Accelerator, Wadhwani Foundation અને 18 કરતાં વધુ રાષ્ટ્રીય, સરકારી, ખાનગી તથા આંતરરાષ્ટ્રીય ઇન્ક્યુબેટર્સ સાથે મજબૂત કાર્ય સહયોગ સ્થાપિત કર્યો છે, તેમજ કેન્દ્ર અને રાજ્ય સરકારના સહયોગથી સ્ટાર્ટઅપ્સને ફંડિંગ, ગ્રાન્ટ, માર્ગદર્શન અને સંપૂર્ણ સહાય ઉપલબ્ધ કરાવવામાં આવી રહી છે.
આ વિકાસની યાત્રામાં એક મહત્વપૂર્ણ માઈલસ્ટોન તરીકે આત્મીય ઇનોવેશન ફાઉન્ડેશને Ignition Capital Advisors સાથે વ્યૂહાત્મક Memorandum of Understanding (MoU) પર હસ્તાક્ષર કર્યા છે. Ignition Capital Advisors એક પ્રતિષ્ઠિત સ્ટાર્ટઅપ એડવાઇઝરી અને ઇન્વેસ્ટમેન્ટ ફેસિલિટેશન સંસ્થા છે, જે મજબૂત ઇન્વેસ્ટર નેટવર્ક ધરાવે છે અને 100 કરતાં વધુ સ્ટાર્ટઅપ્સ સાથે સંકળાયેલ રહેવાનો નોંધપાત્ર અનુભવ ધરાવે છે. આ MoU હેઠળ ત્રણ મોટા Demo Day (Startup Investment Rounds) યોજાશે, જેમાં સ્ટાર્ટઅપ્સને સીધા ઇન્વેસ્ટર્સ સમક્ષ પ્રેઝન્ટેશન આપી ફંડિંગ મેળવવાની તક મળશે.
આ MoU સહી સમારોહ 16 એપ્રિલ 2026ના રોજ આત્મીય યુનિવર્સિટી ખાતે યોજાયો હતો, આત્મીય ઇનોવેશન ફાઉન્ડેશનના હેડ કૌશલ બોરીસાગર (હેડ – AIF), તથા Ignition Capital Advisors તરફથી ઉત્પલ દોશી (ડિરેક્ટર) અને મર્મિક ભટ્ટ (ફાઉન્ડર – Monk9 Tech, સૌરાષ્ટ્રની પ્રથમ સેમિકન્ડક્ટર મેન્યુફેક્ચરિંગ પહેલ) હાજર રહ્યા હતા.
સ્ટાર્ટઅપ ઇકોસિસ્ટમને વધુ મજબૂત બનાવવા માટે, AIF એ MotionGility સાથે પણ સહયોગ સ્થાપિત કર્યો છે, જે સ્ટાર્ટઅપ્સને ઉચ્ચ ગુણવત્તાવાળી content creation, marketing અને design support પ્રદાન કરશે, જેથી સ્ટાર્ટઅપ્સ માત્ર investment-ready જ નહીં પરંતુ market-ready પણ બની શકે. ઉપરાંત, આ સમગ્ર ઇકોસિસ્ટમ દ્વારા પ્રતિભાશાળી સ્ટાર્ટઅપ્સને Shark Tank જેવી રાષ્ટ્રીય સ્તરની પ્લેટફોર્મ પર પોતાની પ્રેઝન્ટેશન કરવાની તક પણ ઉપલબ્ધ થશે, જે વધુ_visibility_ અને funding માટેના નવા અવસરો પ્રદાન કરે છે તેમજ અત્મિય ઇનોવેશન ફાઉન્ડેશન સતત તેના વિદ્યાર્થીઓને ઉદ્યોગસાહસિકતા શરૂ કરવા માટે સંપૂર્ણ સહાય સાથે મજબૂત પ્લેટફોર્મ પૂરૂં પાડે છે, અને સાથે સાથે યુનિવર્સિટી બહારના ઉદ્યોગસાહસિકોને પણ સમાન તકો ઉપલબ્ધ કરાવે છે. આ પહેલ દ્વારા AIF નવીનતા પ્રોત્સાહિત કરવામાં, ફંડિંગ સુવિધાઓ વધારવામાં અને ભારતના યુવાનો માટે વિશાળ રોજગાર તકો સર્જવામાં મહત્વપૂર્ણ ભૂમિકા ભજવી રહ્યું છે.
આ મહત્વપૂર્ણ સ્ટાર્ટઅપ MoU માં આત્મીય ઇનોવેશન ફાઉન્ડેશનના ડૉ. કૌશલ બોરીસાગર આત્મીય યુનિવર્સિટીના વાઈસ ચાન્સેલર ડૉ. રાકેશકુમાર મુદગલ, રજીસ્ટ્રાર ડૉ. દિવ્યાંગ ડી. વ્યાસ, સેન્ટ્રલ ડાઈરેક્ટર – રિસર્ચ ઇનોવેશન એન્ડ ટ્રાન્સલેશન ડૉ. આશિષ કોઠારી, આત્મીય ઈ-યુવા સેન્ટરના નિશાંત ગોપાલન અને મિન્ટુ નિમાવત તેમજ ઇગ્નીશન કેપિટલ એડવાઇઝર્સ તરફથી ઉત્પલ દોશી (ડાઈરેકટર) અને મર્મિક ભટ્ટ, ખાસ ઉપસ્થિત રહ્યા હતા.
