ગોલતર-જાદવના ગોરખધંધા બાદ ભાજપના વધુ એક નેતાના જમીન પ્રકરણના ઘેરા પડઘા
રાજકોટના સામાકાંઠે ભાજપના બે મહિલાનગર સેવક વજીબેન અને દેવુબેન જાદવના પતિએ આવાસ અને જમીન કૌભાંડ કરીને ચૂંટણી ટાંણે જ ભાજપની આબરૂ ધુળધાણી કર્યા બાદ કોઠારિયામાં પણ એક સરકારી ખરાબાની જમીન પર દુકાન, હોટલ ખડકી જમીન કૌભાંડની ‘સિંહ’ સવારી કરનારનું પ્રકરણ પ્રદેશ ભાજપ સુધી પહોંચ્યુ છે અને આ પ્રકરણમાં કૌભાંડની ‘સિંહ’ સવારી કરનારને શહેર ભાજપ પ્રમુખ મુકેશ દોશીએ પુછપરછ માટે રૂબરૂ આવવા તેડું મોકલ્યું હોવાનું કમલમના જ સુત્રોમાંથી જાણવા મળ્યું છે.
કોઠારિયા ચોકડીથી રણુજા મંદિર તરફ મનપાના પાણીના ટાંકા સામે હરીદર્શન કોમ્પ્લેક્સની બાજુમાં સરકારી ખરાબાની જગ્યામાં એક..બે.. નહીં પણ એકસાથે સાતથી આઠ દુકાન અને એક હોટલ ભાજપના આ નેતાએ ખડકી દીધી હોવાનું સામે આવ્યું છે. ભાજપના નેતાએ તેની પહેલી ‘ટર્મ’માં જ સરકારી જમીન પચાવી પાડવી, તેના ઉપર બાંધકામ ખડકીને વહેંચી દેવામા આવી છે. જમીન કૌભાંડની ‘સિંહ’ સવારી કરનાર ભાજપનો આ નેતા ગેરકાયદે ઓરડી-મકાન કે દુકાન ભાડે આપી હજારો નહી, લાખો નહીં પણ કરોડ રૂપિયાની કમાણી કરવી, સુચિત જગ્યામાં બાંધકામ કરવા, બાંધકામ થતા હોય ત્યા મસમોટી ‘પ્રોટેકશન મની’ના ઉઘરાણા કરવા સહિત અનેક કરતૂતોની ‘પ્રેકટિસ’ ધમધકોર ચાલતી હોવાની વાત પણ સામે આવી છે.
કૌભાંડની ‘સિંહ’ સવારી કરનાર આ નેતાના કરતૂતોનો ‘અગ્ર ગુજરાત’એ સરકાર જમીન પર ખડકાયેલા ગેરકાયદે માચડાંના સચિત્ર અહેવાલ સાથે ભાંડાફોડ કર્યા બાદ ભાજપમાં વધુ એક ભૂંકપનો આફ્ટર શોક આવ્યો છે. ભાજપના બે નગરસેવક દેવુબેન અને વજીબેનના પતિના જમીન અને આવાસ કૌભાંડ બાદ ભાજપના જ નેતાના એકપછી એક જમીન કૌભાંડો સામે આવી રહ્યા હોય આ સમગ્ર અહેવાલ પ્રદેશના મવડી મંડળ સુધી પહોંચ્યુ હોવાનું સતાવાર સુત્રોમાંથી જાણવા મળ્યું છે. મવડી મંડળમાંથી આવેલા પુછાણના પગલે રાજકોટ શહેર ભાજપ પ્રમુખે જમીન કૌભાંડની ‘સિંહ’ સવારી કરનારને રૂબરૂ આવવા તેડુ મોકલ્યુ હોવાનું કમલમ સુત્રોમાંથી જાણવા મળ્યું છે.
ભાજપનું એક નારાજ જૂથ પ્રદેશ ભાજપ જ નહીં પણ હાઇકમાન્ડ સુધી મોકલે છે વિગતો
રાજકોટ ભાજપમાં નગરસેવકો હોય કે નેતા કે પછી કોઇ આગેવાન, જમીન કૌભાંડ હોય કે અન્ય કોઇ નાણાકીય શેટિંગનો પુરાવા સાથે ભાંડાફોડ થાય છે ત્યારે મીડિયામાં આવેલા અહેવાલો અને પુરાવા સાથે સમગ્ર પ્રકરણ માત્ર પ્રદેશ ભાજપ જ નહીં પણ હાઇકમાન્ડ સુધી મોકલવામા આવી રહ્યા હોવાનું ભાજપના જ સુત્રોમાંથી જાણવા મળે
ભાજપનું એક નારાજ જૂથ પ્રદેશ ભાજપ જ નહીં પણ હાઇકમાન્ડ સુધી મોકલે છે વિગતો
રાજકોટ ભાજપમાં નગરસેવકો હોય કે નેતા કે પછી કોઇ આગેવાન, જમીન કૌભાંડ હોય કે અન્ય કોઇ નાણાકીય શેટિંગનો પુરાવા સાથે ભાંડાફોડ થાય છે ત્યારે મીડિયામાં આવેલા અહેવાલો અને પુરાવા સાથે સમગ્ર પ્રકરણ માત્ર પ્રદેશ ભાજપ જ નહીં પણ હાઇકમાન્ડ સુધી મોકલવામા આવી રહ્યા હોવાનું ભાજપના જ સુત્રોમાંથી જાણવા મળે
